امریکہ اور ایران کے تعلقات بہت اچھے جا رہے ہیں، ٹرمپ

صدر ڈونلڈ ٹرمپ نے کہا ہے کہ ریاست ہائے متحدہ امریکا کے ایران کے ساتھ تعلقات بہت اچھے جا رہے ہیں اور قطر میں ہونے والی حالیہ ملاقاتیں کامیاب رہی ہیں۔

ٹرمپ نے صحافیوں کو بتایا کہ ایران کو جوہری ہتھیاروں سے پاک کرنے کا عمل اچھے انداز میں آگے بڑھ رہا ہے۔ ان کی بہت اچھی ملاقاتیں ہوئی ہیں اور اب دیکھتے ہیں کہ آگے کیا ہوتا ہے۔

مذاکرات کی براہِ راست معلومات رکھنے والے ایک ذریعے اور ایک ایرانی عہدیدار کے مطابق امریکہ اور ایران نے بدھ کو قطری دارالحکومت دوحہ میں تکنیکی مذاکرات کیے کیونکہ وہ آبنائے ہرمز کے ذریعے جہاز رانی کے بہاؤ پر اتفاق رائے اور ایک پائیدار جنگ بندی کو یقینی بنانے کی کوشش کر رہے ہیں۔

براہِ راست معلومات رکھنے والے ذریعے نے بتایا کہ ٹرمپ کے داماد جیرڈ کشنر اور ایلچی اسٹیو وٹکوف نے مذاکرات کی بنیاد رکھنے کے لیے قطر کے وزیر اعظم سے ملاقات کی، جو پاکستان کے ساتھ اس عمل میں ثالث کا کردار ادا کر رہا ہے، تاہم وہ خود ان مذاکراتی نشستوں میں شرکت نہیں کریں گے۔

ٹرمپ نے کہا کہ ہمارے تعلقات بہت اچھے جا رہے ہیں۔ انہوں نے مزید کہا کہ ایران نے ایک طویل سفر طے کیا ہے۔

صدر نے بات جاری رکھتے ہوئے کہا کہ میرا خیال ہے کہ وہ بالکل ٹھیک ہیں۔