ایران جنگ تاریخ کے سب سے بڑے توانائی بحران کا سبب بن رہی ہے، آئی ای اے

انٹرنیشنل انرجی ایجنسی (آئی ای اے) کے سربراہ نے منگل کو کہا ہے کہ ایران، امریکہ اور اسرائیل کے درمیان تنازع دنیا کو اب تک کے بدترین توانائی بحران سے دوچار کررہا ہے۔

بیرول نے منگل کوفرانس انٹر ریڈیو کو ایک انٹرویو میں بتایا کہ یہ واقعی تاریخ کا سب سے بڑا بحران ہے۔

انہوں نے مزید کہا کہ اگر آپ روس کے ساتھ پٹرول بحران اور گیس بحران کے اثرات کو یکجا کریں تو یہ بحران پہلے ہی بہت بڑا ہوچکا ہے۔ مشرقِ وسطیٰ میں جنگ نے آبنائے ہرمز میں بحری ٹریفک کو مفلوج کردیا جو عالمی سطح پر تیل اور ایل این جی کی ترسیل کا پانچواں حصہ فراہم کرنے والا اہم راستہ ہے۔

یہ روس اور یوکرین کی جنگ کے اثرات کے بعد ایک نیا بحران ہے جس نے پہلے ہی یورپ کو روسی گیس کی سپلائی منقطع کردی تھی۔

بائیرول نے رواں ماہ کے شروع میں کہا تھا کہ وہ عالمی توانائی کی منڈیوں کی موجودہ صورتحال کو 1973، 1979 اور 2022 کے گزشتہ بحرانوں کے مجموعی اثر سے بھی زیادہ بدتر دیکھ رہے ہیں۔

مارچ میں آئی ای اے نے ایران کے ساتھ امریکہ اور اسرائیل کی جنگ کی وجہ سے بڑھتی قیمتوں کا مقابلہ کرنے کے لیے تزویراتی ذخائر سے ریکارڈ 40 کروڑ بیرل تیل نکالنے پر اتفاق کیا تھا۔