آسٹریلیا کی امریکہ اور ایران سے جنگ بندی جاری رکھنے کی اپیل

آسٹریلیا کی وزیر خارجہ پینی وونگ نے اتوار کے روز امریکہ اور ایران کے درمیان مذاکرات کسی معاہدے کے بغیر ختم ہونے کے بعد مشرق وسطیٰ میں جنگ بندی کو جاری رکھنے پر زور دیا ہے۔

انہوں نے ایک بیان میں کہا کہ اب ترجیح یہ ہونی چاہیے کہ جنگ بندی کو برقرار رکھا جائے اور مذاکراتی عمل کی طرف واپس جایا جائے۔ انہوں نے مزید کہا کہ یہ مایوس کن بات ہے کہ اسلام آباد میں امریکہ اور ایران کے درمیان ہونے والے مذاکرات کسی معاہدے کے بغیر ختم ہوئے ہیں۔