برطانیہ کا کویت میں ’ریپڈ سنٹری‘ ایئر ڈیفنس سسٹم تعینات کرنے کا فیصلہ

برطانوی وزیراعظم کیر اسٹارمر کے دفتر نے جمعہ کے روز کہا ہے کہ برطانیہ کویت میں اپنے ’ریپڈ سینٹری‘ ایئر ڈیفنس سسٹم کی تعیناتی کر رہا ہے تاکہ خلیج میں برطانوی اور کویتی مفادات کا تحفظ کیا جا سکے۔ یہ اعلان کویتی آئل فیکٹری پر رات گئے ایرانی ڈرون حملے کے بعد سامنے آیا ہے۔

ڈاؤننگ اسٹریٹ کے ایک ترجمان کے مطابق کیئر اسٹارمر نے جمعہ کی صبح کویت کے کراؤن پرنس صباہ الخالد الصباح کے ساتھ اس تعیناتی پر بات کی۔

ترجمان نے کہا کہ ’’وزیراعظم نے رات گئے کویتی آئل ریفائنری پر غیر ذمہ دارانہ ڈرون حملے کی مذمت سے آغاز کیا۔ انہوں نے دہرایا کہ برطانیہ کویت اور خلیج میں اپنے تمام اتحادیوں کے ساتھ کھڑا ہے۔‘‘

ترجمان نے کہا کہ دونوں رہنماؤں نے برطانیہ کے ایئر ڈیفنس سسٹم کی کویت میں تعیناتی پر تبادلہ خیال کیا، جو بنیادی طور پر ڈرون اور دیگر کم بلندی پر پرواز کرنے والے فضائی خطرات کو نشانہ بنانے کے لیے ڈیزائن کیا گیا ہے، اور اس سے خطے میں کویتی اور برطانوی اہلکاروں اور مفادات کا تحفظ ممکن ہوگا، جبکہ کسی وسیع تنازع میں اضافہ سے بچا جا سکے گا۔

اسٹارمر اور کراؤن پرنس نے آبنائے ہرمز کے ذریعے عالمی شپنگ میں رکاوٹ پر بھی بات کی اور جمعرات کو برطانوی وزیر خارجہ ایویٹ کوپر کی زیر صدارت اجلاس کا خیرمقدم کیا، جس میں اس اہم شپنگ راستے کو دوبارہ کھولنے کے منصوبے پر غور کیا جائے گا۔