ٹیکسٹائل کمپنی زُوما ریسورسزکی کاروبار میں بڑی تبدیلی کی منظوری، اے آئی اور ای ویز میں سرمایہ کاری کا آغاز

زُوما ریسورسز لمیٹڈ جو پہلے بلال فائبرز لمیٹڈ کے نام سے جانی جاتی تھی نے باقاعدہ طور پر اپنے بنیادی کاروبار میں بڑی تبدیلی کی منظوری دے دی ہے۔کمپنی نے اپنے روایتی آپریشنز سے ہٹ کر ٹیکنالوجی، اے آئی سے فعال خدمات، الیکٹرک گاڑیاں (ای ویز)، ہیلتھ کیئر اور ای کامرس سمیت تیز رفتار ترقی والے شعبوں میں سرمایہ کاری کی طرف قدم بڑھایا ہے۔

یہ فیصلہ کمپنی کے بورڈ آف ڈائریکٹرز (بی او ڈی) نے 5 دسمبر 2025 کو منعقدہ اجلاس میں کیا اور اس کی اطلاع پیر کو پاکستان اسٹاک ایکسچینج (پی ایس ایکس) کو بھیجی گئی۔

نوٹس کے مطابق بورڈ آف ڈائریکٹرز نے بنیادی کاروبار کے طور پر سرمایہ کاری، شراکت داری اور ٹیکنالوجی، اے آئی سے فعال خدمات، الیکٹرک گاڑیاں، ہیلتھ کیئر، ای-کامرس اور دیگر شعبوں میں متنوع کمپنیوں کے ساتھ اسٹریٹجک تعاون میں شامل ہونے کی منظوری دے دی ہے۔

اس کے علاوہ بورڈ نے لاہور ہائی کورٹ کے حکم کے تحت بینک واجبات کی ادائیگی کے لیے زمین، عمارت، پلانٹ اور مشینری (بشمول دیگر فکسڈ اثاثے) کی فروخت کی بھی منظوری دی۔

بورڈ نے 30 جون 2025 کو ختم ہونے والے مالی سال کے فنانشل اسٹیٹمنٹ کی بھی منظوری دی۔ کمپنی کو مالی سال 2025 میں بعد از ٹیکس 2.44 ملین روپے کا نقصان ہوا۔

1987 میں قائم ہونے والی بلال فائبرز لمیٹڈ پاکستان میں یارن تیار اور فروخت کرتی ہے۔

کمپنی اپنے مصنوعات یورپ، دورِ مشرق اور مشرقِ وسطیٰ میں بھی برآمد کرتی ہے۔