پریمیئر لیگ سے اخراج یا پوائنٹس کی کٹوتی؟ مانچسٹر سٹی کے ممکنہ انجام پر موریسو پوچیٹینو کے انکشافات نے سنسنی پھیلا دی

سابق ٹوٹنہم ہاٹ سپر اور موجودہ امریکی فٹبال ٹیم کے کوچ موریسیو پوچیٹینو نے مانچسٹر سٹی کو پریمیئر لیگ کے مالیاتی قوانین کی خلاف ورزیوں کا مرتکب قرار دیے جانے پر افسوس کا اظہار کیا ہے۔

ایک فٹبال ذریعے نے تصدیق کی کہ آزاد پینل نے مانچسٹر سٹی کو مالیاتی قوانین کی مبینہ 115 خلاف ورزیوں میں سے 114 کا قصوروار قرار دیا ہے۔ تاہم کلب نے تمام الزامات کی تردید کی ہے جب کہ قوانین کی خلاف ورزی پر جرمانے، پوائنٹس میں کٹوتی یا پریمیئر لیگ سے اخراج جیسی سزاؤں کا سامنا ہوسکتا ہے۔

پوچیٹینو نے کہا کہ کسی بھی سزا سے ماضی کو واپس نہیں لایا جاسکتا اور اس معاملے سے کھیل کو کافی نقصان پہنچا ہے۔ ان کے مطابق کئی کلبوں نے قوانین پر عمل کیا جبکہ کچھ نے نہیں کیا، جس سے کھیل میں مسابقتی انصاف متاثر ہوا۔

انہوں نے کہا کہ اگر تمام 114 خلاف ورزیاں درست ثابت ہوئیں تو یہ کھیل میں ’’دھوکے کے دور‘‘ کی نشاندہی ہوگی۔

پوچیٹینو نے اس سے قبل چیلسی پر عائد جرمانے کا حوالہ دیتے ہوئے 2016-17 کا پریمیئر لیگ ٹائٹل ٹوٹنہم کو دینے کی بات بھی کی تھی۔