زندگی اور ڈی اے ٹی کا مربوط ڈیجیٹل حل کے فروغ کے لیے اشتراک

جے ایس بینک کے تحت کام کرنے والے ڈیجیٹل بینکنگ پلیٹ فارم زندگی اور ڈی اے ٹی اے آئی سسٹمز نے حکومتی اداروں، تعلیمی اداروں، کارپوریٹس اور دیگر تنظیموں کے لیے ٹیکنالوجی پر مبنی مالی و ڈیجیٹل حل تیار کرنے اور ان کے امکانات کا مشترکہ جائزہ لینے کے لیے مفاہمت کی یادداشت (ایم او یو) پر دستخط کیے ہیں۔

اس اشتراک کے تحت زندیگی کی ڈیجیٹل بینکنگ اور ادائیگیوں کی سہولیات کو ڈی اے ٹی اے آئی سسٹمز کی ٹیکنالوجی مہارت کے ساتھ مربوط کیا جائے گا۔ دونوں ادارے ڈیجیٹل ادائیگیوں، شناخت، فیس وصولی، اکاؤنٹ اور والٹ سروسز، رقوم کی تقسیم اور ادارہ جاتی امور کے لیے مربوط حل تیار کرنے پر کام کریں گے۔

2023 میں قائم ہونے والی ڈی اے ٹی اے آئی سسٹمز پاکستان میں قائم ٹیکنالوجی کمپنی ہے، جو افرادی قوت کے انتظام، ڈیٹا جمع کرنے اور حقیقی وقت میں آپریشنز کے لیے مصنوعی ذہانت اور میسجنگ پر مبنی حل تیار کرتی ہے۔

ایم او یو پر زندگی کے ہیڈ آف انٹرنیشنل بزنس اینڈ الائنسز راؤ عمر فاروق اور ڈی اے ٹی اے آئی سسٹمز کے چیف ایگزیکٹو آفیسر ابوبکر عمر نے دستخط کیے۔

راؤ عمر فاروق نے کہا کہ پاکستان میں ڈیجیٹل تبدیلی کے اگلے مرحلے میں ٹیکنالوجی، شناخت اور مالیاتی خدمات کو مربوط کرنے والے حل اہم کردار ادا کریں گے۔