BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

پاکستان اور ہانگ کانگ میں ڈیجیٹل فنانس کے فروغ پر تعاون بڑھانے پر اتفاق

  • ملاقاتوں میں جدید مالیاتی مارکیٹ انفرااسٹرکچر کی ترقی اور ڈیجیٹل اثاثوں و ٹوکنائزڈ مالیاتی مصنوعات کے لیے ایک منظم ماحول تشکیل دینے میں ہانگ کانگ کے تجربات پر توجہ مرکوز کی گئی۔
شائع اپ ڈیٹ

وزیر مملکت اور پاکستان ورچوئل اثاثہ جات ریگولیٹری اتھارٹی (پی وی اے آر اے) کے چیئرمین بلال بن ثاقب نے ہانگ کانگ میں ڈیجیٹل فنانس، ٹوکنائزڈ کیپیٹل مارکیٹس، ریگولیٹری جدت اور جدید ٹیکنالوجیز کے شعبوں میں تعاون مضبوط بنانے کے لیے اعلیٰ سطحی ملاقاتوں کا سلسلہ کیا۔

دورے کے دوران بلال بن ثاقب نے ہانگ کانگ مانیٹری اتھارٹی کے ڈپٹی چیف ایگزیکٹو آرتھر یوئن، ہانگ کانگ خصوصی انتظامی خطے کی حکومت کے سیکریٹری برائے فنانشل سروسز اینڈ ٹریژری کرسٹوفر ہوئی اور ٹیکنالوجی و انوویشن فنکشنل حلقے کی نمائندگی کرنے والے قانون ساز کونسل کے رکن ڈنکن چیو سے ملاقاتیں کیں۔

ملاقاتوں میں جدید مالیاتی مارکیٹ انفرااسٹرکچر کی ترقی اور ڈیجیٹل اثاثوں و ٹوکنائزڈ مالیاتی مصنوعات کے لیے ایک منظم ماحول تشکیل دینے میں ہانگ کانگ کے تجربات پر توجہ مرکوز کی گئی۔

ہانگ کانگ مانیٹری اتھارٹی کے ساتھ ہونے والی بات چیت میں مالیاتی ضوابط، ٹوکنائزڈ کیپیٹل مارکیٹس، ڈیجیٹل بانڈز، سیٹلمنٹ انفرااسٹرکچر اور ٹیکنالوجی سے چلنے والی نگرانی کے حوالے سے پیش رفت کا جائزہ لیا گیا۔ پاکستان خاص طور پر ہانگ کانگ کے تجربے سے استفادہ کرنے میں دلچسپی رکھتا ہے کیونکہ وہ اس بات کا جائزہ لے رہا ہے کہ ٹوکنائزیشن مستقبل میں حکومتی سیکیورٹیز، سکوک اور دیگر حقیقی مالیاتی اثاثوں کی ترقی میں کس طرح معاون ثابت ہوسکتی ہے۔

فنانشل سروسز اینڈ ٹریژری بیورو کے ساتھ ملاقات میں ادارہ جاتی تعاون، معلومات کے تبادلے اور ہانگ کانگ کے مالیاتی اداروں اور پاکستان میں ابھرتے ہوئے مواقع کے درمیان روابط بڑھانے کے امکانات پر تبادلہ خیال کیا گیا۔

دونوں جانب سے وسیع پالیسی مذاکرات سے آگے بڑھ کر عملی تعاون کی ضرورت پر اتفاق کیا گیا، جس میں تکنیکی تبادلے، ادارہ جاتی گول میز اجلاس اور ٹوکنائزیشن کے مخصوص شعبوں کی نشاندہی شامل ہے تاکہ ان کا مزید جائزہ لیا جاسکے۔

بلال بن ثاقب نے ڈنکن چیو سے بھی ملاقات کی، جس میں جدت کے فروغ کے لیے قانون سازی، مسابقتی فن ٹیک اور ویب 3 ایکو سسٹمز کی ترقی، مصنوعی ذہانت، سائبر سکیورٹی اور دیگر جدید ٹیکنالوجیز میں تعاون کے امکانات پر گفتگو ہوئی۔

ملاقات میں اس بات کا بھی جائزہ لیا گیا کہ ہانگ کانگ کس طرح پاکستانی ٹیکنالوجی کمپنیوں اور سرمایہ کاری کے مواقع کو ہانگ کانگ اور گریٹر بے ایریا کے سرمایہ کاروں، ٹیکنالوجی کمپنیوں اور صنعتی شراکت داروں سے جوڑنے میں پل کا کردار ادا کرسکتا ہے۔

بلال بن ثاقب نے کہا کہ ہانگ کانگ کے ساتھ پاکستان کا تعاون رسمی معاہدوں کے بجائے ادارہ جاتی تجربات سے سیکھنے اور عملی تعاون پر مرکوز ہوگا۔

Comments

200 حروف