پاکستان ایل این جی نے مہنگا اسپاٹ کارگو خرید لیا

پاکستان ایل این جی لمیٹڈ (پی ایل ایل) نے 21.88 ڈالر فی ملین برٹش تھرمل یونٹ (ایم ایم بی ٹی یو) کے حساب سے خریداری کی منظوری دے کر اپنی اب تک کی سب سے مہنگی ایل این جی اسپاٹ کارگو خریدی ہے۔

پی ایل ایل کی ویب سائٹ پر اپ لوڈ کردہ بولی کی دستاویزات کے مطابق بورڈ کی جانب سے خریداری کی منظوری کے بعد یہ ایل این جی کارگو 27 اور 28 جولائی کے درمیان پہنچنے والا ہے۔

اس ٹینڈر میں صرف ایک بولی موصول ہوئی جو ٹوٹل انرجیز گیس اینڈ پاور کی طرف سے پیش کی گئی تھی جس نے 21.88 ڈالر فی ایم ایم بی ٹی یو کے حساب سے کارگو کی پیشکش کی تھی۔

قبل ازیں 30 جون سے 4 جولائی کے درمیان ترسیل کے لیے ایک ایل این جی کارگو 16.73 ڈالر فی ایم ایم بی ٹی یو کے حساب سے خریدا گیا تھا۔

10 سے 11 جولائی کے لیے ایک اور کارگو 17.37 ڈالر فی ایم ایم بی ٹی یو کے حساب سے خریدا گیا جس کے بعد 15 سے 16 جولائی کے لیے ایک اور کارگو 18.23 ڈالر فی ایم ایم بی ٹی یو کے حساب سے خریدا گیا۔

کاپی رائٹ بزنس ریکارڈر 2026