ڈیوسنک اور پیکیجز گروپ کا انشورنس شعبے میں ڈیجیٹل انقلاب کیلئے شراکت داری کا اعلان

عالمی آئی ٹی سروسز فراہم کرنے والی کمپنی ڈیوسنک پرائیویٹ لمیٹڈ نے پیکیجز گروپ کے ساتھ ایک مفاہمتی یادداشت پر دستخط کرنے کا اعلان کیا ہے۔ معاہدے کا مقصد پاکستان کے انشورنس سیکٹر میں ڈیجیٹل تبدیلی لانا ہے۔ اس شراکت داری کے تحت آئی جی آئی انشورنس کے لیے جدید موبائل ایپلی کیشنز تیار کرنے پر توجہ دی جائے گی۔

شراکت داری کا آغاز آئی جی آئی انشورنس کے لیے ایک جامع فلٹر/ری ایکٹ نیٹو (Flutter/React Native) ایپلی کیشن کی تیاری سے ہوگا۔ اس میں موبائل ایپلی کیشن کی تیاری اور کراس پلیٹ فارم سلوشنز میں ڈیوسنک کی مہارت کا استعمال کیا جائے گا۔

ڈیوسنک کے سی ای او عثمان آصف نے کہا کہ یہ شراکت داری پاکستان میں تکنیکی جدت کو فروغ دینے کیلئے پرعزم دو صنعتی رہنماؤں کے درمیان ایک اسٹریٹجک ہم آہنگی کی نمائندگی کرتی ہے۔

پیکجز گروپ اور آئی جی آئی انشورنس کے ساتھ کام کرنے سے ہمیں پاکستان کی انشورنس انڈسٹری کی ڈیجیٹلائزیشن میں بامعنی کردار ادا کرنے کا موقع ملے گا جبکہ ہم کاروباری سطح کے موبائل سلوشنز تیار کرنے کی اپنی صلاحیتوں کا بھی مظاہرہ کریں گے۔

ڈیو سنک کے ہیڈ آف گلوبل مارکیٹنگ، موئز وارنڈ نے کہا کہ ڈیو سنک اب اے پی اے سی اور مشرقِ وسطیٰ کے بڑے کلائنٹس کو انٹرپرائز آئی ٹی حل فراہم کررہا ہے۔ ہماری ایمانداری اور آئی ٹی حل فراہم کرنے میں گہری مہارت ہمارے کاروبار کو آگے بڑھارہی ہے۔