انڈس موٹر نے نیشنل فلیگ کلیکشن ڈرائیو کی 8ویں سالگرہ منائی

انڈس موٹر کمپنی (آئی ایم سی) نے اپنے مرکزی سی ایس آر پروگرام کنسرن بیانڈ کارز کے تحت قومی پرچم کلیکشن ڈرائیو کا آٹھواں ایڈیشن 15 اگست 2025 کو کامیابی سے منعقد کیا جس کا انعقاد پاکستان کے 78 ویں یومِ آزادی کے ایک روز بعد ہوا۔

ہر سال یومِ آزادی کے موقع پر محلے سبز و سفید رنگ میں جگمگا اُٹھتے ہیں اور سڑکیں پرچموں، بینرز اور وطن پرستی کے نشانات سے سج جاتی ہیں, تاہم جشن کے بعد کئی پرچم سڑکوں اور فٹ پاتھوں پر بکھر جاتے ہیں— پھٹے، مٹی سے بھرے اور اکثر روندے ہوئے—جس سے قومی پرچم کی عزت متاثر ہوتی ہے۔

اس صورتحال کے تدارک کے لیے آئی ایم سی اپنے ایمپلائی والنٹیئرنگ پروگرام کے ذریعے ملازمین کو متحرک کرتی ہے تاکہ وہ قومی نشان کی عزت کا تحفظ کریں۔ اس سال 50 سے زائد رضاکار کراچی کے پانچ مخصوص راستوں پر نکلے اور پرچموں کو احترام کے ساتھ جمع کیا۔ جمع کیے گئے پرچم بعد میں گڈاپ ٹاؤن میں کمپنی کے احاطے میں باعزت طریقے سے دفن کیے گئے۔

اس موقع پر چیف ایگزیکٹو علی اصغر جمالی نے کہا کہ یہ اقدام ہمارے اجتماعی جذبےِ حب الوطنی اور قومی نشانوں کے احترام کی عکاسی کرتا ہے۔ ہم سمجھتے ہیں کہ قومی پرچم کی تقدس کی حفاظت نہ صرف ایک ذمہ داری بلکہ ہر شہری کا فرض بھی ہے۔ ہمارے ملازمین خاص طور پر نوجوان نسل اور خواتین ساتھی کی اتنی پرجوش شرکت دیکھ کر بے حد فخر محسوس ہوتا ہے۔ پاکستانی اپنے پرچم سے محبت کرتے ہیں، لیکن جشن کے بعد بھی اسے عزت کے ساتھ سنبھالنا ضروری ہے۔

یہ مہم گڈاپ ٹاؤن میں اختتام پذیر ہوئی جہاں سب سے زیادہ پرچم جمع کرنے والی رضاکار ٹیم کو سراہا گیا اور انعامات سے نوازا گیا۔ اس اقدام کو عوامی حلقوں نے بھی سراہا اور کئی شہریوں نے خود حصہ لے کر اتحاد اور مشترکہ ذمہ داری کے جذبے کو اجاگر کیا۔

کاپی رائٹ بزنس ریکارڈر 2025