موسلا دھار بارشوں اور سیلابی ریلوں میں 7 روز کے دوران 64 افراد جاں بحق ہوئے، حکام

پاکستان میں موسلا دھار بارشوں اور سیلابی ریلوں کے باعث ایک ہفتے کے دوران 64 افراد جاں بحق اور 117 زخمی ہو گئے ہیں۔ یہ بات بدھ کو ایک سرکاری ادارے نے بتائی ہے۔

بیان کے مطابق قومی سطح پر قدرتی آفات سے نمٹنے کے ادارے (این ڈی ایم اے) کے مطابق سب سے زیادہ اموات شمال مغربی خیبر پختونخوا صوبے میں ہوئیں، جہاں 23 افراد جان کی بازی ہار گئے جن میں 10 بچے بھی شامل ہیں۔

مقامی میڈیا کی رپورٹ کے مطابق پچھلے ہفتے وادی سوات میں آنے والے سیلابی ریلے میں 14 افراد بہہ گئے تھے۔

این ڈی ایم اے نے بتایا کہ بارشوں کے باعث پنجاب میں بھی مکانات گرنے اور سیلابی صورتحال کے نتیجے میں 21 افراد جاں بحق ہوئے، جن میں 11 بچے شامل تھے۔

جنوبی صوبہ سندھ میں 15 افراد جاں بحق ہوئے جبکہ جنوب مغربی صوبے بلوچستان میں5 افراد جان سے ہاتھ دھو بیٹھے ہیں۔

قومی موسمیاتی ادارے نے خبردار کیا ہے کہ شدید بارشوں اور ممکنہ سیلاب کا خطرہ کم از کم ہفتے تک برقرار رہے گا۔

مئی میں جنوبی ایشیائی ملک ( پاکستان) میں شدید طوفانوں کے باعث کم از کم 32 افراد جاں بحق ہو چکے ہیں، جہاں بہار کے موسم میں کئی شدید موسمی واقعات پیش آئے جن میں زوردار اولے بھی شامل تھے۔

پاکستان دنیا کے اُن ممالک میں سے ایک ہے جو موسمیاتی تبدیلی کے اثرات کے حوالے سے سب سے زیادہ متاثر ہے اور اس کے 255 ملین باشندے بڑھتی ہوئی شدت کے ساتھ شدید موسمی حالات کا سامنا کر رہے ہیں۔

سال 2022 میں مون سون کے سیلاب نے ملک کا ایک تہائی حصہ زیر آب آگیا تھا اور اس حادثے میں 1,700 افراد جاں بحق ہو گئے تھے۔