وزیر اعظم شہباز شریف کا خواتین کو بااختیار بنانے کے لیے حکومتی عزم کا اعادہ

خواتین کے عالمی دن کے موقع پر وزیر اعظم شہباز شریف نے خواتین کو بااختیار بنانے کے لیے اپنی حکومت کے عزم کا اعادہ کیا ہے۔ انہوں نے کہا کہ خواتین کو مساوی مواقع اور ترقی کے لیے سازگار ماحول فراہم کریں گے۔

اسلام آباد میں ایک تقریب سے خطاب کرتے ہوئے وزیراعظم نے مضبوط پاکستان کی تعمیر میں صنفی مساوات اور جامع ترقی کی اہمیت پر زور دیا۔

وزیراعظم عمران شہباز شریف نے پاکستان میں سیاست، عدلیہ، تعلیم اور انفارمیشن ٹیکنالوجی سمیت مختلف شعبوں میں خواتین کی خدمات کو خراج تحسین پیش کیا۔

انہوں نے ملک کے دیہی علاقوں میں محنت کش خواتین کے پیداواری کردار کو خاص طور پر سراہا۔

خواتین کی فلاح و بہبود کے لئے وفاقی حکومت کے حالیہ اقدامات کا ذکر کرتے ہوئے انہوں نے کہا کہ اسلام آباد میں پنک بسیں پہلے ہی شروع کی جا چکی ہیں جبکہ ورکنگ ویمن انڈومنٹ فنڈ بھی قائم کیا جا رہا ہے۔

وزیراعظم نے اعلان کیا کہ وفاقی دارالحکومت میں کام کرنے والی خواتین اور بچوں کی سہولت کے لیے ڈے کیئر سینٹرز کا بھی جلد افتتاح کیا جائے گا۔

وزیراعلیٰ پنجاب شہباز شریف نے پنجاب میں خواتین کو بااختیار بنانے کے پیکیج کو سراہتے ہوئے کہا کہ صوبائی حکومتیں بھی خواتین کی خوشحالی کے لیے اقدامات میں وفاقی حکومت کے شانہ بشانہ ہیں۔

انہوں نے خواتین کی حقیقی صلاحیتوں کو بروئے کار لانے کے مواقع فراہم کرنے پر زور دیا۔

وزیراعلیٰ پنجاب کی حیثیت سے اپنے گزشتہ دور میں خواتین کو بااختیار بنانے سے متعلق اہم اقدامات پر روشنی ڈالتے ہوئے انہوں نے کہا کہ جنوبی پنجاب کے اسکولوں میں خواتین کے داخلے کو یقینی بنانے کے لئے ماہانہ وظیفہ دیا گیا تھا۔

انہوں نے کہا کہ 2017-18میں پورے پنجاب میں اینٹوں کے کسی بھی بھٹے پر کوئی بھی بچہ کام نہیں کرتا تھا جبکہ 90 ہزار بچے سکولوں میں داخل تھے۔

تقریب سے خطاب کرتے ہوئے وفاقی وزیر قانون و انصاف سینیٹر اعظم نذیر تارڑ نے خواتین کے حقوق کے لیے سب کو مل کر کام کرنے پر زور دیا۔

انہوں نے کہا کہ خواتین قوم کی معمار ہیں اور انہوں نے آنے والی نسلوں کی بہتری کے لئے خواتین کو بااختیار بنانے اور انہیں تعلیم سے آراستہ کرنے پر زور دیا۔