پاکستان کی غزہ میں انسانی امداد کی رسائی روکنے کے اسرائیلی اقدام کی مذمت
- جنگ بندی معاہدے کو خطرہ لاحق ہوسکتا ہے، دفتر خارجہ
پاکستان نے پیر کے روز رمضان المبارک کے دوران غزہ میں اہم انسانی امداد کی رسائی روکنے کے اسرائیلی فیصلے کی شدید مذمت کی ہے۔
دفتر خارجہ کی جانب سے جاری بیان میں کہا گیا ہے کہ یہ تازہ ترین اقدام اسرائیل کی اس منظم مہم کا حصہ ہے جس کا مقصد لاکھوں ضرورت مند فلسطینیوں کو انتہائی ضروری انسانی امداد سے محروم کرنا ہے۔
یہ مذمت ایسے وقت کی گئی ہے جب ایک روز قبل اسرائیل نے جنگ زدہ غزہ میں پہلے سے طے شدہ جنگ بندی کا پہلا مرحلہ اتوار کو ختم ہونے کے بعد امداد روک دی تھی۔
بیان میں مزید کہا گیا ہے کہ دفتر خارجہ نے اسے اسرائیل کی جانب سے بین الاقوامی قوانین کی ایک اور صریح خلاف ورزی قرار دیا جس کے بارے میں اس کا خیال ہے کہ اس سے جنگ بندی کے معاہدے کو خطرہ لاحق ہوسکتا ہے۔
بیان کے مطابق ہم بین الاقوامی برادری سے مطالبہ کرتے ہیں کہ وہ غزہ تک بلا روک ٹوک انسانی امداد کی رسائی کو یقینی بنائے اور لاکھوں شہریوں کواس امداد سے محروم رکنے کے ذریعے اجتماعی سزا دینے پر اسرائیل کو جوابدہ بنائے۔
دفتر خارجہ نے غزہ میں مستقل جنگ بندی کے معاہدے پر مکمل عمل درآمد کے ساتھ ساتھ دو ریاستی حل کے حصول کے لیے سیاسی عمل کی بحالی کے مطالبے کا بھی اعادہ کیا جس کا دارالحکومت 1967 سے قبل کی سرحدوں پر مبنی ایک قابل عمل اور خودمختار فلسطینی ریاست ہو جس کا دارالحکومت القدس الشریف ہو۔
Comments
Comments are closed.