وزیراعظم سے برطانوی ہائی کمشنر کی ملاقات، باہمی تعلقات اور عالمی امن کی کوششوں پر تبادلہ خیال

وزیراعظم کے دفتر سے جاری بیان کے مطابق وزیراعظم شہباز شریف سے پیر کے روز برطانوی ہائی کمشنر جین میریٹ نے ملاقات کی جس میں دوطرفہ تعلقات کو مضبوط بنانے اور عالمی چیلنجز سے نمٹنے پر تبادلہ خیال کیا گیا۔

بیان میں مزید کہا گیا ہے کہ ملاقات کے دوران وزیراعظم نے شاہ چارلس سوم کو مبارکباد پیش کی اور ان کی جلد اور مکمل صحت یابی کے لیے نیک خواہشات کا اظہار کیا۔

انہوں نے اپنی سہولت کے مطابق جلد از جلد پاکستان کا شاہی دورہ کرنے کی دعوت کا بھی اعادہ کیا۔

بیان کے مطابق وزیراعظم نے پاک برطانیہ تعلقات میں پیش رفت پر اطمینان کا اظہار کیا۔

شہباز شریف نے تنازعات والے علاقوں بالخصوص غزہ اور یوکرین میں دیرپا امن کے قیام کے لئے اجتماعی عالمی کوششوں کی ضرورت پر بھی زور دیا۔

ہائی کمشنر میریٹ نے پاکستان کے ساتھ اپنی شراکت داری کو مضبوط بنانے اور ملک کی قومی ترقی اور ترقی میں مدد کے لئے برطانیہ کے عزم کا اعادہ کیا۔