گوادر میں فائرنگ سے 7 مزدور جاں بحق

آج نیوز نے رپورٹ کیا ہے کہ گوادر کے علاقے سربندر میں نامعلوم مسلح افراد کی فائرنگ سے 7 مزدور جاں بحق اور ایک زخمی ہوگیا۔

جاں بحق افراد حجام کی ایک دکان پر کام کرتے تھے اور حملے کے وقت اپنے رہائشی کوارٹرمیں سو رہے تھے ۔

وزیر اعلیٰ بلوچستان میر سرفراز بگٹی نے واقعے کی شدید الفاظ میں مذمت کرتے ہوئے جاں بحق افراد کے اہل خانہ سے تعزیت کا اظہار کیا ہے۔

وزیراعلیٰ نے حکام کو ہدایت کی کہ ذمہ داروں کے خلاف سخت کارروائی کی جائے۔