امریکا اور ایران کے تکنیکی مذاکرات آئندہ ہفتے دوبارہ شروع ہونے کی توقع ہے، دفتر خارجہ
- دفتر خارجہ کے ترجمان کا کہنا ہے کہ 30 جون اب بھی ان مذاکرات کے آغاز کے لیے سب سے زیادہ متوقع تاریخ ہے
دفتر خارجہ نے بدھ کے روز کہا ہے کہ امریکا اور ایران کے درمیان تکنیکی سطح کے مذاکرات آئندہ ہفتے دوبارہ شروع ہونے کی توقع ہے، جبکہ واشنگٹن اور تہران کے درمیان حالیہ مفاہمت کے بعد سفارتی کوششیں جاری ہیں۔
ہفتہ وار بریفنگ کے دوران دفتر خارجہ کے ترجمان طاہر حسین اندرابی نے بتایا کہ مذاکرات کا اگلا دور غالباً آئندہ ہفتے منعقد ہوگا، تاہم اس کے مقام اور حتمی تاریخ کا ابھی تعین نہیں کیا گیا۔
انہوں نے کہا کہ ان مذاکرات کے لیے 30 جون اب بھی سب سے زیادہ متوقع تاریخ ہے، اگرچہ یہ ملاقاتیں پیر یا بدھ کے روز بھی ہو سکتی ہیں۔
یہ اعلان وزیراعظم شہباز شریف کے اس بیان کے بعد سامنے آیا ہے جس میں انہوں نے رواں ہفتے کہا تھا کہ سوئٹزرلینڈ میں ایران اور امریکا کے درمیان مذاکرات خطے میں کشیدگی کم کرنے کی وسیع تر کوششوں کے تحت کامیابی سے اختتام پذیر ہوئے ہیں۔
مجوزہ مذاکرات دونوں ممالک کے درمیان بات چیت کو آگے بڑھانے اور خطے میں کشیدگی کم کرنے کے لیے جاری سفارتی کوششوں کا حصہ ہیں۔
Comments