بلاول بھٹو مذاکرات کی کامیابی کے لیے پرامید

پاکستان پیپلز پارٹی (پی پی پی) کے چیئرمین اور سابق وزیر خارجہ بلاول بھٹو زرداری نے کہا ہے کہ ایران پر سے پابندیوں کا خاتمہ نہ صرف پاکستان بلکہ ایک بڑی عالمی برادری کے لیے بھی فائدہ مند ثابت ہوگا۔

امریکہ اور ایران کے درمیان حالیہ جنگ بندی کا حوالہ دیتے ہوئے بلاول بھٹو زرداری نے کہا کہ دنیا اب پاکستان کی طرف دیکھ رہی ہے اور اسے امن کے فروغ میں تعمیری کردار ادا کرنے والے ملک کے طور پر تسلیم کررہی ہے۔

انہوں نے مزید کہا کہ عالمی برادری کو توقع ہے کہ پاکستان عالمی استحکام کو برقرار رکھنے میں اپنا حصہ ڈالے گا۔

بلاول بھٹو زرداری نے امید ظاہر کی کہ اسلام آباد مذاکرات کے نتیجے میں ایران پر عائد پابندیاں ختم ہو جائیں گی، ایسی پیش رفت نہ صرف پاکستان بلکہ پوری دنیا کے لیے فائدہ مند ہوگی۔

پی پی پی چیئرمین نے بھارتی وزیرِ خارجہ جے شنکر کو بھی شدید تنقید کا نشانہ بناتے ہوئے کہا کہ بھارت کا موقف تنگ نظری کی عکاسی کرتا ہے۔

سابق وزیر خارجہ کا کہنا تھا کہ جے شنکر کے بیانات نے بھارت کی مایوسی اور محدود نقطہ نظر کو بے نقاب کر دیا ہے۔ انہوں نے مزید کہا کہ پاکستان عالمی سطح پر تیزی سے ابھر رہا ہے۔

کاپی رائٹ بزنس ریکارڈر 2026