آئی ای اے مشرقِ وسطیٰ کے واقعات اور مارکیٹوں پر ممکنہ اثرات کی نگرانی کر رہا ہے، فاتح بیرول

انٹرنیشنل انرجی ایجنسی (آئی ای اے) کے ڈائریکٹر فاتح بیرول نے سوشل میڈیا پلیٹ فارم ایکس پر ایک پوسٹ میں کہا ہے کہ آئی ای اے مشرقِ وسطیٰ کے حالات اور عالمی تیل و گیس کی مارکیٹوں اور تجارتی بہاؤ پر ان کے ممکنہ اثرات کی سرگرمی سے نگرانی کر رہا ہے۔

انہوں نے مزید کہا کہ اب تک مارکیٹوں میں سپلائی کی صورتحال بہتر رہی ہے اور وہ خطے کے بڑے پیدا کنندہ ممالک کی وزارتوں اور آئی ای اے کی رکن حکومتوں کے ساتھ صورتحال کے حوالے سے مسلسل رابطے میں ہیں۔