ٹرمپ کی شخصیت میں شرابی جیسا رویہ، چیف آف اسٹاف

ڈونلڈ ٹرمپ کی چیف آف اسٹاف سوزی وائلز نے کہا ہے کہ امریکی صدر کی شخصیت میں شرابی جیسا رویہ موجود ہے، یہ انکشاف منگل کو وینیٹی فیئر میں شائع ہونے والے ایک طویل انٹرویو میں سامنے آیا، جسے وائلز نے فوری طور پر جھوٹ قرار دے دیا۔

وائلز نے نائب صدر جے ڈی وینس کو سازشی نظریہ پرست اور ٹیک ٹائیکون ایلون مسک کو عجیب قرار دیا۔ انہوں نے ٹرمپ انتظامیہ کے دیگر اراکین پر بھی اپنی رائے دی۔

صدر ٹرمپ نے وائلز، جو پہلی خاتون وائٹ ہاؤس چیف آف اسٹاف ہیں، کو پہلے آئس میڈن کہا تھا اور اپنی دوسری صدارت کو آگے بڑھانے میں ان کے کردار کو سراہا تھا۔

68 سالہ وائلز اب وینیٹی فیئر کی کہانی کے بعد خبروں کی زینت بن گئی ہیں۔ میگزین کے مطابق یہ رپورٹ گزشتہ ایک سال کے دوران تجربہ کار سیاسی صحافی کرس وہپل کے متعدد انٹرویوز پر مبنی ہے۔

وائلز نے اپنی پہلی ایکس پوسٹ میں ایک سال کے وقفے کے بعد کہا کہ آج صبح شائع ہونے والا مضمون میرے اور تاریخ کے بہترین صدر، وائٹ ہاؤس اسٹاف اور کابینہ کے بارے میں جان بوجھ کر بنایا گیا ہٹ پیس(چھوٹ) ہے۔ اہم سیاق و سباق کو نظر انداز کیا گیا اور ہماری ٹیم اور صدر کے بارے میں میرے اور دیگر کے بیانات کا بڑا حصہ شامل نہیں کیا گیا۔

انہوں نے میگزین پر الزام لگایا کہ وہ صدر اور ہماری ٹیم کے بارے میں انتہائی منفی اور الجھا ہوا تاثر پیش کرنے کی کوشش کر رہے ہیں۔

وینیٹی فیئر نے وائلز کا حوالہ دیتے ہوئے لکھا کہ جن کے والد این ایف ایل کے کمنٹری کے معروف شخصیت پیٹ سمرال ایک شرابی تھے، وائلز نے کہا کہ ٹرمپ اگرچہ خود شراب نوش نہیں کرتے، لیکن ان کی شخصیت میں شرابی جیسا رویہ ہے اور وہ اس نظریے کے ساتھ کام کرتے ہیں کہ ایسا کچھ نہیں جو وہ نہیں کر سکتے۔ کچھ نہیں، صفر، کچھ نہیں۔