سونے کی قیمت میں استحکام، چاندی کے نرخ گرگئے

عالمی و مقامی مارکیٹوں میں منگل کو سونے کی قیمتیں مستحکم رہیں جبکہ چاندی کے نرخ گرگئے۔

عالمی بلین مارکیٹ میں سونا 3896 ڈالر فی اونس کی سطح پر برقرار رہا۔

بین الاقوامی مارکیٹ میں سونے کے نرخ میں استحکام کے باعث مقامی سطح پر بھی فی تولہ سونا 4 لاکھ 12 ہزار 136 روپے پر برقرار رہا۔

اسی طرح دس گرام سونے کی قیمت بھی 3 لاکھ 53 ہزار340 روپے پر برقرار رہی ۔

یاد رہے کہ پیر کو سونے کی فی تولہ قیمت 2400 روپے کے اضافے سے 4 لاکھ 12 ہزار 136 روپے ہوگئی تھی۔

دریں اثنا چاندی کی فی تولہ قیمت 120 روپے کی کمی سے 5368 روپے ہوگئی۔