بھارتی فاسٹ بولر پرسدھ کرشنا انجری کے باعث نیوزی لینڈ کے خلاف ون ڈے سیریز سے باہر
- دائیں ہاتھ کے فاسٹ بولر کرشنا کو میچ کھیلنے کے لیے درکار فٹنس اور باؤلنگ ورک لوڈ حاصل کرنے میں مزید وقت درکار ہوگا
بھارتی کرکٹ بورڈ نے تصدیق کی ہے کہ فاسٹ بولر پرسدھ کرشنا ہیمسٹرنگ انجری کے باعث نیوزی لینڈ کے جاری دورے میں ون ڈے سیریز نہیں کھیل سکیں گے۔
دائیں ہاتھ کے فاسٹ بولر کو میچ کھیلنے کے لیے درکار باؤلنگ ورک لوڈ اور فٹنس حاصل کرنے کے لیے مزید وقت درکار ہے۔
30 سالہ کرشنا فٹنس ٹیسٹ پاس کرنے کی شرط پر بھارت اے اسکواڈ میں شامل ہوں گے، تاکہ نیوزی لینڈ کے خلاف بعد ازاں ہونے والی دو ٹیسٹ میچوں کی سیریز میں شرکت کے لیے دستیاب رہ سکیں۔
فاسٹ بولر محمد سراج اور آل راؤنڈر نتیش کمار ریڈی بھی ٹیسٹ میچوں سے قبل بھارت اے اسکواڈ میں شامل ہوں گے۔
نتیش کمار ریڈی یکم نومبر کو نیوزی لینڈ کے خلاف پہلے ون ڈے میچ کے لیے بھارتی اسکواڈ کا بھی حصہ ہوں گے۔
واضح رہے کہ بھارت نے نیوزی لینڈ کے خلاف پانچ میچوں کی ٹی 20 انٹرنیشنل سیریز میں مسلسل تین فتوحات کے ساتھ سیریز اپنے نام کرلی ہے۔
Comments