BR100 Increased By (0.23%)
BR30 Increased By (0.16%)
KSE100 Increased By (0.17%)
KSE30 Increased By (0.15%)
BAFL 60.54 Increased By ▲ 0.77 (1.29%)
BIPL 24.25 Decreased By ▼ -0.01 (-0.04%)
BOP 31.23 Decreased By ▼ -0.16 (-0.51%)
CNERGY 11.71 Decreased By ▼ -0.02 (-0.17%)
DFML 15.66 Decreased By ▼ -0.03 (-0.19%)
DGKC 202.01 Decreased By ▼ -2.06 (-1.01%)
FABL 95.85 Decreased By ▼ -0.17 (-0.18%)
FCCL 60.64 Decreased By ▼ -1.07 (-1.73%)
FFL 14.77 Decreased By ▼ -0.02 (-0.14%)
GGL 19.89 Increased By ▲ 0.21 (1.07%)
HBL 308.22 Decreased By ▼ -1.21 (-0.39%)
HUBC 207.02 Increased By ▲ 2.82 (1.38%)
HUMNL 8.39 Decreased By ▼ -0.33 (-3.78%)
KEL 6.34 Increased By ▲ 0.02 (0.32%)
LOTCHEM 24.72 Increased By ▲ 0.03 (0.12%)
MLCF 104.90 Increased By ▲ 0.97 (0.93%)
OGDC 316.21 Increased By ▲ 0.34 (0.11%)
PAEL 35.56 Decreased By ▼ -0.02 (-0.06%)
PIBTL 14.00 Increased By ▲ 0.34 (2.49%)
PIOC 273.53 Increased By ▲ 2.41 (0.89%)
PPL 227.23 Increased By ▲ 1.16 (0.51%)
PRL 80.87 Increased By ▲ 0.59 (0.73%)
SNGP 94.54 Increased By ▲ 0.59 (0.63%)
SSGC 23.75 Decreased By ▼ -0.07 (-0.29%)
TELE 7.48 Decreased By ▼ -0.07 (-0.93%)
TPLP 12.92 Decreased By ▼ -0.07 (-0.54%)
TRG 53.35 Increased By ▲ 0.02 (0.04%)
UNITY 9.33 Increased By ▲ 0.94 (11.2%)
WTL 1.38 No Change ▼ 0.00 (0%)
کاروبار اور معیشت

وزیراعظم شہباز شریف کی عالمی مالیاتی اداروں سے پاکستان میں مزید سرمایہ کاری کی اپیل

  • عالمی مالیاتی اداروں کی پاکستان میں مالیاتی اصلاحات کی حمایت
شائع اپ ڈیٹ

وزیراعظم شہباز شریف نے لندن میں بارکلیز، جے پی مورگن، سٹی، بلیک راک اور روتھسچائلڈ اینڈ کمپنی کے اعلیٰ حکام سے الگ الگ ملاقاتوں کے دوران پاکستان میں عالمی مالیاتی اداروں کی مزید سرمایہ کاری پر زور دیا ہے۔

وزیراعظم آفس کے مطابق ملاقاتوں میں پاکستان کے اقتصادی اصلاحاتی پروگرام، سرمایہ کاری کے مواقع، کیپیٹل مارکیٹس، تجارتی فنانسنگ اور مالیاتی خدمات کے دائرہ کار میں توسیع پر تبادلہ خیال کیا گیا۔

بارکلیز کے ہیڈ آف پرائیویٹ بینک اینڈ ویلتھ مینجمنٹ یو کے محمد کمال سید سے ملاقات میں وزیراعظم نے حکومت کے معاشی استحکام کے اقدامات کو اجاگر کرتے ہوئے بینک کو پاکستان کے مالیاتی شعبے میں مواقع تلاش کرنے کی ترغیب دی۔

جے پی مورگن کے یورپ، مشرق وسطیٰ اور افریقہ کے شریک چیف ایگزیکٹو میتھیو ولٹز کی قیادت میں وفد سے گفتگو میں کیپیٹل مارکیٹس، تجارتی فنانسنگ اور سرمایہ کاری بینکاری میں تعاون بڑھانے پر بات ہوئی۔ وفد نے پاکستان کی خودمختار قرضہ جاتی کیپیٹل مارکیٹس اور کارپوریٹ بینکاری کے مواقع میں دلچسپی کا اعادہ کیا۔

وزیراعظم نے سٹی کے چیف کلائنٹ آفیسر ڈیوڈ لیونگ اسٹون کی قیادت میں حکام سے بھی ملاقات کی اور پاکستان میں کارپوریٹ و ادارہ جاتی بینکاری خدمات کو وسعت دینے پر زور دیا۔

بلیک راک کے نمائندوں گورڈن فریزر، سیم ویچٹ اور ایملی فلیچر سے ملاقات میں شہباز شریف نے سرمایہ کاری فرم کو فرنٹیئر مارکیٹس حکمت عملی کے تحت پاکستانی ایکویٹیز اور فکسڈ انکم سیکیورٹیز میں سرمایہ کاری بڑھانے کی دعوت دی۔

دونوں جانب سے سرمایہ کاروں کے اعتماد کے لیے پالیسیوں میں تسلسل کی اہمیت پر بھی زور دیا گیا۔

روتھسچائلڈ اینڈ کمپنی کے نمائندوں لارڈ مارک سیڈول اور ماجد اسحاق سے ملاقات میں پاکستان کی جغرافیائی و معاشی ترجیحات اور کیپیٹل مارکیٹس و سرمایہ کاری حکمت عملی میں ممکنہ مشاورتی تعاون پر تبادلہ خیال ہوا۔

وزیراعظم آفس کے مطابق مالیاتی اداروں کے اعلیٰ حکام نے پاکستان میں جاری اقتصادی اصلاحات کی رفتار پر اعتماد کا اظہار کرتے ہوئے ملک کے مالیاتی شعبے کے ساتھ روابط مزید مضبوط بنانے کے عزم کا اعادہ کیا۔

ملاقاتیں بین الاقوامی سرمایہ کاروں کا اعتماد بڑھانے اور پاکستان میں مسلسل سرمایہ کاری کے حصول کے لیے حکومت کی کوششوں کا حصہ ہیں۔

وفاقی وزیر خزانہ سینیٹر محمد اورنگزیب اور وزیراعظم کے مشیر برائے نجکاری و چیئرمین نجکاری کمیشن محمد علی بھی ان ملاقاتوں میں شریک تھے۔

Comments

200 حروف