انگلینڈ کے کپتان روٹ نے ایل بی ڈبلیو رن آؤٹ سے متعلق خدشات مسترد کردیے

انگلینڈ کے کپتان جو روٹ نے اپنی حالیہ خراب کارکردگی پر تشویش کو مسترد کرتے ہوئے کہا ہے کہ وہ اس مشکل مرحلے سے نکلنے کا راستہ تلاش کرلیں گے۔ روٹ اپنی آخری 12 اننگز میں 9 مرتبہ ایل بی ڈبلیو آؤٹ ہوچکے ہیں۔

ٹیسٹ کرکٹ میں انگلینڈ کی جانب سے سب سے زیادہ 14,208 رنز بنانے والے 35 سالہ روٹ آل ٹائم فہرست میں بھارت کے سچن ٹنڈولکر (15,921 رنز) کے بعد دوسرے نمبر پر ہیں۔ تاہم رواں ہوم سیزن میں وہ صرف دو مرتبہ نصف سنچری کا ہندسہ عبور کرسکے ہیں۔

روٹ نے بی بی سی سے گفتگو میں کہا کہ وہ طویل عرصے سے کرکٹ کھیل رہے ہیں اور ہمیشہ مشکلات کا حل تلاش کرنے میں کامیاب رہے ہیں۔ ان کے مطابق 14 ہزار سے زائد ٹیسٹ رنز اور تقریباً 15 سال کیریئر اس بات کا ثبوت ہیں کہ وہ مشکل حالات سے نمٹنا جانتے ہیں۔

روٹ کے یہ ریمارکس لارڈز میں پاکستان کے خلاف ٹیسٹ سیریز جیتنے کے بعد سامنے آئے، جہاں وہ دونوں اننگز میں بالترتیب 4 اور 24 رنز بناکر ایل بی ڈبلیو آؤٹ ہوئے۔

انہوں نے کھلاڑیوں کو کامیابی کا جشن ذمہ داری سے منانے کی ہدایت بھی کی۔