ڈالر کے مقابلے روپے کی قدر میں مزید بہتری

انٹربینک مارکیٹ میں جمعرات کو بھی ڈالر کے مقابلے روپے کی قدر میں معمولی بہتری کا سلسلہ برقرار رہا۔

اسٹیٹ بینک کے مطابق کاروبار کے اختتام پر ڈالر کے مقابلے میں روپیہ ایک پیسے کی بہتری سے 277.90 پر بند ہوا۔

یاد رہے کہ بدھ کو مقامی کرنسی 277.91 روپے پر بند ہوئی تھی۔

مزید برآں جمعرات کو امریکی ڈالر زیادہ تر مستحکم رہا کیونکہ امریکہ اور ایران کے درمیان بڑھتی ہوئی کشیدگی نے سرمایہ کاروں کو تشویش میں مبتلا رکھا۔

ڈالر انڈیکس 0.06 فیصد کم ہو کر 101.05 پر آ گیا۔

واشنگٹن اور تہران کے درمیان بگڑتی ہوئی کشیدگی کے باعث تیل کی قیمتوں میں دوبارہ تیزی آئی ہے اور مہنگائی کے خدشات بڑھ گئے ہیں جس سے گرین بیک کو تقویت ملی ہے۔

یورو آخری بار 0.07 فیصد اضافے کے ساتھ 1.1418 ڈالر پر تھا۔

مزید برآں جمعرات کو تیل کی قیمتوں میں 1.5 فیصد سے زائد کا اضافہ ہوا جو گزشتہ چھ ہفتوں سے زائد عرصے میں ان کی بلند ترین سطح ہے۔