انٹربینک مارکیٹ: ڈالر کے مقابلے روپیہ مزید مضبوط

انٹربینک مارکیٹ میں جمعرات کو ڈالر کے مقابلے روپے کی قدر میں 0.01 فیصد اضافہ ریکارڈ کیا گیا۔

کاروبار کے اختتام پر ڈالر کے مقابلے میں روپیہ 3 پیسے کے اضافے سے 279.02 پر بند ہوا۔

یاد رہے کہ بدھ کومقامی کرنسی 279.05 روپے پر بند ہوئی تھی۔

مزید برآں وسیع پیمانے پر ہونے والے نقصانات کے بعد جمعرات کو ابتدائی تجارت کے دوران ڈالر کی قدر میں استحکام دیکھا گیا۔

ڈالر انڈیکس 0.03 فیصد اضافے کے ساتھ 99.09 پر پہنچ گیا جبکہ یورو 0.07 فیصد کمی کے ساتھ 1.1654 ڈالر پر آگیا۔

ین کی قدر میں بھی گزشتہ روز ہونے والے اضافے میں کچھ کمی دیکھی گئی اور یہ ڈالر کے مقابلے میں 0.06 فیصد کمی کے ساتھ 158.7 فی ڈالر پر آگیا۔

برطانوی پاؤنڈ (اسٹرلنگ) کی قدر میں بھی 0.04 فیصد کی معمولی کمی ریکارڈ کی گئی اور یہ 1.3387 ڈالر کی سطح پر رہا۔

گزشتہ روزمشرقِ وسطیٰ کے تنازع میں جنگ بندی کے اعلان کے بعد امریکی ڈالر کی قدر گر کر ایک ماہ کی کم ترین سطح پر آگئی تھی۔

مزید برآں جمعرات کو خام تیل کی قیمتوں میں اضافہ ہوا کیونکہ مشرقِ وسطیٰ میں دو ہفتوں کی غیر یقینی جنگ بندی سے متعلق شکوک و شبہات نے یہ خدشات پیدا کردیے ہیں کہ اہم آبنائے ہرمز کے ذریعے توانائی کی ترسیل بدستور محدود رہے گی۔

برینٹ کروڈ کے سودے 1.96 ڈالر یا 2.07 فیصد اضافے کے ساتھ 96.71 ڈالر فی بیرل پر دیکھے گئے جبکہ امریکی ویسٹ ٹیکساس انٹرمیڈیٹ خام تیل کی قیمت 2.60 ڈالر یا 2.75 فیصد اضافے کے ساتھ 97.01 ڈالر فی بیرل تک پہنچ گئی۔