BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)

حکومت نے پیٹرول اور ڈیزل کی قیمتوں میں فی لیٹر 55 روپے کا بڑا اضافہ کر دیا

  • پیٹرول کی نئی قیمت 321 روپے جبکہ ڈیزل کی قیمت 335 روپے فی لیٹر ہوگئی
  • نئی قیمتوں کا اطلاق رات 12 بجے سے ہوگیا
شائع اپ ڈیٹ

پاکستان کی حکومت نے جمعہ کو عالمی منڈی میں تیل کی بڑھتی قیمتوں کے پیشِ نظر پیٹرول اور ڈیزل کی قیمتوں میں فی لیٹر 55 روپے اضافے کا اعلان کر دیا۔

یہ اعلان وزیرِ پیٹرولیم علی پرویز ملک نے نائب وزیرِ اعظم و وزیرِ خارجہ اسحاق ڈار اور وزیرِ خزانہ محمد اورنگزیب کے ہمراہ ایک پریس کانفرنس میں کیا۔

اسحاق ڈار نے پریس کانفرنس کے دوران کہا کہ نئی قیمتوں کا اطلاق آدھی رات سے ہوگا۔

انہوں نے گفتگو کا آغاز ایران، امریکہ اور اسرائیل کے درمیان جاری تنازع کے ذکر سے کیا اور کہا کہ یہ جنگ اب پورے خطے تک پھیلنا شروع ہو گئی ہے۔

انہوں نے کہا کہ ”ایران، امریکہ اور اسرائیل کے درمیان جنگ اب پھیل چکی ہے،“ اور اس صورتحال نے عالمی پیٹرولیم مارکیٹس کو نمایاں طور پر متاثر کیا ہے۔

ان کے مطابق ”اس صورتحال میں پیٹرولیم مصنوعات کی قیمتوں میں تیزی سے اضافہ ہو رہا ہے۔ مختلف مصنوعات کی قیمتوں میں تقریباً 50 سے 70 فیصد تک اضافہ دیکھنے میں آیا ہے۔“

انہوں نے کہا کہ کئی ممالک میں عالمی تیل کی بڑھتی قیمتیں خودکار طور پر مقامی ایندھن کی قیمتوں میں منتقل ہو رہی ہیں۔

انہوں نے کہا کہ ”کئی ممالک میں ٹرکل ڈاؤن اثر دیکھا جا رہا ہے، جہاں پیٹرولیم کی قیمتیں خود بخود بڑھ جاتی ہیں۔“

تاہم ان کا کہنا تھا کہ پاکستان نے وزیر اعظم شہباز شریف کی ہدایت پر اس معاملے میں محتاط حکمت عملی اختیار کی۔

انہوں نے کہا کہ ”پاکستان میں وزیر اعظم نے بہت احتیاط سے کام لیا ہے اور گزشتہ دو سے تین ہفتوں سے اس معاملے پر غور و خوض جاری تھا۔“

انہوں نے بتایا کہ علی پرویز ملک اور وزیر خزانہ محمد اورنگزیب کی سربراہی میں قائم ایک مستقل کمیٹی صورتحال کا باقاعدگی سے جائزہ لے رہی تھی۔

55 روپے اضافے کے بعد پیٹرول کی قیمت بڑھ کر 321 روپے فی لیٹر ہو گئی ہے، جس کا اطلاق رات 12 بجے سے ہوگیا۔ اسی طرح ڈیزل کی قیمت بڑھ کر 335 روپے فی لیٹر تک پہنچ گئی ہے۔

یہ پیش رفت مشرقِ وسطیٰ میں بڑھتے ہوئے بحران کے تناظر میں سامنے آئی ہے، جہاں امریکہ اور اسرائیل کی جانب سے ایران پر حملوں کے بعد کشیدگی میں اضافہ ہوا ہے، جن میں ایران کے سپریم لیڈر آیت اللہ علی خامنہ ای شہید ہو گئے تھے۔

ایران نے جوابی کارروائی کرتے ہوئے اسرائیل اور خلیجی ممالک میں امریکی اڈوں کو نشانہ بنایا، جبکہ یہ بھی اعلان کیا کہ وہ آبنائے ہرمز سے جہازوں کی آمد و رفت کی اجازت نہیں دے گا۔

جمعہ کو برینٹ کروڈ فیوچرز کی قیمت 5.42 ڈالر یا 6.35 فیصد اضافے کے بعد 90.83 ڈالر فی بیرل ہو گئی (صبح 10:37 بجے سینٹرل اسٹینڈرڈ ٹائم / 1637 عالمی معیاری وقت)، جبکہ ویسٹ ٹیکساس انٹرمیڈیٹ ( ڈبلیو ٹی آئی) کروڈ کی قیمت 7.81 ڈالر یا 9.81 فیصد اضافے کے بعد 88.96 ڈالر فی بیرل تک پہنچ گئی۔

28 فروری کو گزشتہ جائزے میں، حکومت نے پٹرول کی قیمت میں 8 روپے فی لیٹر اضافہ کیا تھا، جس سے یہ قیمت 266.17 روپے فی لیٹر ہو گئی تھی۔ اس نے ڈیزل کی قیمت میں بھی 5.16 روپے کا اضافہ کرکے 280.86 روپے کردیا تھا۔

قبل ازیں جمعہ کو وزیراعظم شہباز شریف نے پیٹرولیم مصنوعات کی ذخیرہ اندوزی کے خلاف فوری ملک گیر کریک ڈاؤن کا حکم دیتے ہوئے صوبائی حکومتوں کو پیٹرول پمپس بند کرنے اور مصنوعی قلت پیدا کرنے والوں کے لائسنس منسوخ کرنے کی ہدایت کی تھی۔

گزشتہ ہفتے وزیراعظم نے ملکی معیشت پر تیل کی بین الاقوامی قیمتوں میں اضافے کے اثرات کا جائزہ لینے کے لیے ایک 18 رکنی اعلیٰ سطح کی کمیٹی تشکیل دی تھی۔

Comments

Comments are closed.