ڈالر کے مقابلے روپے کی قدر میں مسلسل 27 ویں روز بہتری

انٹربینک مارکیٹ میں پیر کو ڈالر کے مقابلے روپے کی قدر میں بہتری کا سلسلہ جاری رہا۔

کاروبار کے اختتام پر ڈالر کے مقابلے روپیہ 3 پیسے یا 0.01 فیصد کی بہتری سے 281.52 پر جاپہنچا۔

واضح رہے کہ یہ مسلسل 27 واں روز ہے جب ڈالر روپے کے مقابلے تنزلی کا شکار رہا۔

یاد رہے کہ گزشتہ ہفتے انٹربینک مارکیٹ میں امریکی کرنسی کے مقابلے روپے کی قدر میں بہتری رہی جس کے نتیجے میں روپیہ 281.55 پر بند ہوا۔

بین الاقوامی سطح پر امریکی ڈالر نے پیر کو استحکام برقرار رکھا ایسے اہم ہفتے سے قبل جس میں مرکزی بینکوں کے فیصلے متوقع ہیں، جن کی قیادت فیڈرل ریزرو کرے گا جبکہ فرانس کی کریڈٹ ریٹنگ میں فِچ کی کمی کے باوجود یورو میں خاص ردعمل دیکھنے میں نہیں آیا۔

ایشیا میں جاپان کی تعطیل کے باعث کاروبار محدود رہا، جس کے نتیجے میں ابتدائی سیشن میں کرنسیاں زیادہ تر ایک محدود دائرے میں رہیں۔

یورو آخری بار 0.09 فیصد کمی کے ساتھ 1.1724 ڈالر پر ٹریڈ ہوا جبکہ سرمایہ کاروں نے زیادہ تر فچ کی جانب سے جمعہ کو فرانس کی خودمختار کریڈٹ ریٹنگ میں کمی کے اعلان کو نظرانداز کیا۔

اس اقدام کے نتیجے میں یورو زون کی دوسری سب سے بڑی معیشت اپنی AA- حیثیت سے محروم ہوگئی کیونکہ یہ سیاسی بحران اور بڑھتے قرضوں سے نمٹنے کی کوشش کررہی ہے۔

اس کے باوجود رواں ہفتے سرمایہ کاروں کی زیادہ تر توجہ امریکہ، جاپان، برطانیہ، کینیڈا اور ناروے میں شرح سود کے فیصلوں پر مرکوز رہے گی جو ممکنہ طور پر مارکیٹ کے رجحان کا تعین کریں گے جبکہ فیڈ مرکزی حیثیت اختیار کیے ہوئے ہے۔

بدھ کو فیڈ کی جانب سے شرح سود میں کٹوتی کی توقعات نے حالیہ دنوں میں ڈالر پر دباؤ ڈالا ہے تاہم پیر کو یہ کرنسیوں کی ایک ٹوکری کے مقابلے میں 97.65 پر مستحکم رہی۔

اسٹرلنگ معمولی تبدیلی کے ساتھ 1.3554 ڈالر پر رہا جبکہ آسٹریلین ڈالر 0.6652 ڈالر پر دس ماہ کی بلند ترین سطح کے قریب منڈلاتا رہا۔

یہ انٹرا ڈے اپڈیٹ ہے