فہیم الرحمن سہگل کو لاہور چیمبر کا بلا مقابلہ صدر منتخب کرلیا گیا۔
ان کی نامزدگی کی حمایت پی آئی اے ایف–پائنیئر پروگریسو الائنس کے چیئرمین میاں انجم نثار اور سابق صدر ایل سی سی آئی محمد علی میاں نے کی۔
فہیم الرحمن سہگل کے پاس ایل سی سی آئی میں طویل اور کامیاب سیاسی و انتظامی خدمات کا ریکارڈ ہے۔ وہ پہلے ایل سی سی آئی کے وائس پریذیڈنٹ رہ چکے ہیں اور کراچی پورٹ ٹرسٹ کے قائم مقام چیئرمین کا عہدہ بھی سنبھال چکے ہیں۔ تجارتی، صنعتی اور اقتصادی امور میں وسیع تجربے کی بنیاد پر انہیں ایک تجربہ کار پیشہ ور تصور کیا جاتا ہے جو چیمبر کو مزید ترقی کی طرف لے جانے کی صلاحیت رکھتے ہیں۔
فہیم الرحمن سہگل کی بلا مقابلہ کامیابی کے ساتھ تنویر احمد کو چیمبر کا سینئر وائس پریذیڈنٹ اور خرم لودھی کو وائس پریذیڈنٹ منتخب کیا گیا ہے۔
Comments
Comments are closed.