بینک آف خیبر کا خالص منافع 108 فیصد اضافے سے 1.6 ارب روپے پر جاپہنچا

بینک آف خیبر (بی او کے) نے مالی سال 2025 ء کی پہلی سہ ماہی کے دوران متاثر کن کارکردگی کا مظاہرہ کیا اور اس کا بعد از ٹیکس منافع (پی اے ٹی) سالانہ 108 فیصد اضافے سے 1.6 ارب روپے تک پہنچ گیا۔

بینک کی خالص مارک اپ/سودی آمدنی (این آئی آئی) سالانہ 45 فیصد اضافے سے 5.1 ارب روپے تک پہنچ گئی جو کہ بیلنس شیٹ کے مؤثر انتظام اور فنڈنگ لاگت میں کامیاب کمی کا نتیجہ ہے۔ نان مارک اپ/سود سے ہٹ کر آمدنی میں بھی 64 فیصد کا نمایاں اضافہ ریکارڈ کیا گیا جو 90 کروڑ روپے تک پہنچی جس کی بنیادی وجہ سیکیورٹیز پر حاصل شدہ 52.1 کروڑ روپے کا منافع ہے۔

بینک کے آپریٹنگ اخراجات سالانہ 15 فیصد بڑھ کر 2.7 ارب روپے تک پہنچ گئے جو ملازمین اور دیگر انتظامی اخراجات میں اضافے کی عکاسی کرتے ہیں یہ مہنگائی اور بینک کی مجموعی سرگرمیوں میں اضافے کے اثرات کو ظاہر کرتا ہے۔ انتظامیہ کی جانب سے کی گئی سخت وصولی کوششوں اور محتاط قرض دینے کی حکمت عملی کے نتیجے میں بینک نے 11.8 کروڑ روپے کی خالص ریورسل حاصل کی جو گزشتہ سال اسی مدت میں 19 کروڑ روپے کے خالص پروویژن کے برعکس ہے۔

آئندہ بھی بینک پائیدار منافع، اثاثہ جات کے معیار میں بہتری اور پورٹ فولیو میں تنوع پر توجہ جاری رکھے گا جس کے لیے فعال انتظامی حکمت عملیاں اختیار کی جائیں گی۔

کاپی رائٹ بزنس ریکارڈر، 2025