ایک بیان کے مطابق دنیا بھر میں 60 ملین(6 کروڑ) گھرانوں نے جیک پال اور مائیک ٹائسن کے درمیان انتہائی متوقع باکسنگ میچ دیکھا تھا اور ایونٹ 65 ملین اسٹریمز تک پہنچ گیا تھا۔
27 سالہ سوشل میڈیا انفلوئنسر سے پرائز فائٹر بننے والے پال اور 58 سالہ سابق ہیوی ویٹ چیمپیئن ٹائسن کے درمیان مقابلہ نیٹ فلکس پر براہ راست نشر کیا گیا۔
نیٹ فلکس کے مطابق آئرلینڈ کی لائٹ ویٹ چیمپیئن کیٹی ٹیلر اور پورٹو ریکو کی فیدر ویٹ چیمپیئن امانڈا سیرانو کے درمیان ہونے والے اس مشترکہ ایونٹ میں تقریبا پانچ کروڑ گھرانوں نے شرکت کی۔
نیٹ فلکس نے اپنے بیان میں کہا ہے کہ یہ مقابلہ امریکی تاریخ میں خواتین کے کھیلوں کا سب سے زیادہ دیکھا جانے والا ایونٹ ہوگا۔
آؤٹیج ٹریکنگ ویب سائٹ ڈاؤن ڈیٹیکٹر کے مطابق میچ کی لائیو اسٹریمنگ کے دوران کچھ مشکلات کا سامنا کرنا پڑا اور 90 ہزار سے زائد صارفین نے نیٹ فلکس پر مسائل کی اطلاع دی۔
تاہم، امریکہ میں تقریبا 6 گھنٹے تک جاری رہنے والی بندش کے بعد ہفتے کے روز اسٹریمنگ پلیٹ فارم کو دوبارہ بحال کر دیا گیا تھا۔
Comments
Comments are closed.