BR100 Increased By (0.56%)
BR30 Increased By (0.46%)
KSE100 Increased By (0.51%)
KSE30 Increased By (0.53%)
BAFL 59.99 Increased By ▲ 0.31 (0.52%)
BIPL 24.40 Decreased By ▼ -0.03 (-0.12%)
BOP 31.45 Increased By ▲ 0.04 (0.13%)
CNERGY 11.99 Increased By ▲ 0.09 (0.76%)
DFML 17.40 Decreased By ▼ -0.20 (-1.14%)
DGKC 202.50 Increased By ▲ 1.54 (0.77%)
FABL 93.79 Increased By ▲ 0.49 (0.53%)
FCCL 59.75 Increased By ▲ 0.26 (0.44%)
FFL 14.32 Decreased By ▼ -0.03 (-0.21%)
GGL 19.92 Increased By ▲ 0.13 (0.66%)
HBL 305.00 Increased By ▲ 0.87 (0.29%)
HUBC 207.40 Increased By ▲ 1.36 (0.66%)
HUMNL 8.10 Increased By ▲ 0.11 (1.38%)
KEL 6.18 Decreased By ▼ -0.02 (-0.32%)
LOTCHEM 25.00 Increased By ▲ 0.45 (1.83%)
MLCF 104.42 Increased By ▲ 0.71 (0.68%)
OGDC 313.90 Increased By ▲ 1.17 (0.37%)
PAEL 34.86 Decreased By ▼ -0.02 (-0.06%)
PIBTL 13.89 Increased By ▲ 0.02 (0.14%)
PIOC 273.00 Increased By ▲ 1.36 (0.5%)
PPL 224.55 Increased By ▲ 1.68 (0.75%)
PRL 83.70 Increased By ▲ 1.34 (1.63%)
SNGP 92.55 Decreased By ▼ -2.20 (-2.32%)
SSGC 23.93 Increased By ▲ 0.42 (1.79%)
TELE 7.36 Increased By ▲ 0.01 (0.14%)
TPLP 12.75 No Change ▼ 0.00 (0%)
TRG 53.45 Increased By ▲ 0.46 (0.87%)
UNITY 8.50 Increased By ▲ 0.02 (0.24%)
WTL 1.31 No Change ▼ 0.00 (0%)
پاکستان

پیپلزپارٹی کا حکومتی اتحاد سے علیحدگی کا عندیہ، تحفظات نہ سنے گئے تو اپوزیشن میں بیٹھ سکتے ہیں، بلاول بھٹو

  • ملک کا نظام حکمرانی خود بخود تباہ نہیں ہوا بلکہ اسے تباہ کیا گیا ہے۔ نئے صوبے بنانے سے بنیادی مسائل حل نہیں ہوں گے، چیئرمین پیپلزپارٹی
شائع اپ ڈیٹ

پاکستان پیپلزپارٹی (پی پی پی) کے چیئرمین بلاول بھٹو زرداری نے عندیہ دیا ہے کہ اگر پاکستان مسلم لیگ (ن) کی قیادت میں قائم حکومت نے اتحادی جماعتوں کے مؤقف اور تحفظات سننے سے گریز کیا تو پیپلزپارٹی حکومتی نشستیں چھوڑ کر اپوزیشن بنچوں پر بیٹھ سکتی ہے۔

ہم نیوز کے پروگرام فیصلہ آپ کا میں گفتگو کرتے ہوئے بلاول بھٹو نے ملک کی سیاسی صورتحال سے متعلق اپنے حالیہ بیانات کا دفاع کیا اور کہا کہ انہوں نے سچ بات کی ہے۔ حکومت کے نمائندوں کو اختلافی آرا سننے کا حوصلہ پیدا کرنا چاہیے۔

انہوں نے ایک بار پھر سیاسی اور جمہوری نظام میں نئی شروعات کی ضرورت پر زور دیتے ہوئے کہا کہ نئے صوبے بنانے کے بجائے سیاسی قیادت کو عوام کو درپیش معاشی مشکلات کے حل پر توجہ دینی چاہیے۔

بلاول بھٹو نے کہا کہ ملک کا نظام حکمرانی خود بخود تباہ نہیں ہوا بلکہ اسے تباہ کیا گیا ہے۔ نئے صوبے بنانے سے بنیادی مسائل حل نہیں ہوں گے، اس کے بجائے ریاستی اداروں کی ساکھ بحال کرنے اور غربت، بے روزگاری اور مہنگائی جیسے مسائل سے نمٹنے کے لیے سیاسی نظام میں اصلاحات کی ضرورت ہے۔

انہوں نے نئے صوبوں کے قیام کے لیے کسی غیر آئینی اقدام یا ریفرنڈم کی مخالفت کرتے ہوئے خبردار کیا کہ سندھ کو زبردستی تقسیم کرنے سے سنگین بدامنی پیدا ہوسکتی ہے۔

پی پی پی چیئرمین نے کہا کہ پاکستان کو بھارت کے ساتھ کشیدگی، افغانستان کے ساتھ جنگ جیسی صورتحال اور دہشت گردی کے خلاف جاری جنگ جیسے چیلنجز کا سامنا ہے، ایسے میں سیاسی جماعتوں کو باہمی اختلافات بھلا کر ملک کو معاشی بحران سے نکالنے کے لیے مل کر کام کرنا چاہیے۔

انہوں نے سوال اٹھایا کہ جب حکومت بیک وقت تحریک انصاف، جمعیت علمائے اسلام (ف) اور دیگر سیاسی جماعتوں سے محاذ آرائی کررہی ہے تو ملک کو معاشی بحران سے کون نکالے گا؟

بلاول نے کہا کہ انہیں معلوم نہیں کہ نئے صوبوں کے قیام کی بحث کس نے شروع کی، کیونکہ وزیراعظم، کسی وفاقی وزیر یا صدر آصف علی زرداری نے اس معاملے پر ان سے مشاورت نہیں کی۔

انہوں نے وزیر داخلہ محسن نقوی کے کردار پر بھی سوال اٹھاتے ہوئے کہا کہ کیا پاکستان کرکٹ بورڈ کے چیئرمین کو یہ اختیار دیا گیا ہے کہ وہ ملک کے سیاسی نظام اور صوبوں کی تقسیم کا فیصلہ کریں؟

ان کا کہنا تھا کہ پیپلزپارٹی احتجاج کی کال نہیں دے رہی بلکہ اپنے ووٹرز کے تحفظات سامنے رکھ رہی ہے۔ حکومت اگر ان کی بات نہیں سنے گی تو عام شہریوں کی شکایات وزیراعظم اور پارلیمنٹ تک کیسے پہنچیں گی؟

Comments

200 حروف