کرغزستان میں سربراہ اجلاس کے دوران ایرانی صدر کی روسی ہم منصب پیوٹن سے ملاقات متوقع

ایرانی سرکاری میڈیا کے مطابق ایرانی صدر مسعود پزشکیان آئندہ ہفتے کرغزستان میں شنگھائی تعاون تنظیم (ایس سی او) کے سربراہ اجلاس میں شرکت کے دوران اپنے روسی ہم منصب ولادیمیر پیوٹن سے ملاقات کریں گے۔

روس میں ایران کے سفیر کاظم جلالی نے کہا کہ پزشکیان کرغزستان میں شنگھائی تعاون تنظیم کے سربراہ اجلاس میں شرکت کریں گے، جہاں وہ پیوٹن سے اپنی چھٹی ملاقات کریں گے۔سرکاری خبر رساں ایجنسی ارنا نے یہ رپورٹ جاری کی۔

سربراہ اجلاس آئندہ منگل کو کرغزستان کے دارالحکومت بشکیک میں ہوگا۔ دونوں رہنماؤں کی یہ ملاقات ایسے وقت میں ہونے جارہی ہے جب ایران 28 فروری سے امریکا کے ساتھ جنگ کی صورتحال سے دوچار ہے۔