BR100 Increased By (0.58%)
BR30 Increased By (0.3%)
KSE100 Increased By (0.35%)
KSE30 Increased By (0.48%)
BAFL 59.70 Decreased By ▼ -0.29 (-0.48%)
BIPL 24.38 Decreased By ▼ -0.05 (-0.2%)
BOP 31.26 No Change ▼ 0.00 (0%)
CNERGY 11.73 Decreased By ▼ -0.10 (-0.85%)
DFML 16.41 Increased By ▲ 0.09 (0.55%)
DGKC 204.00 Increased By ▲ 2.13 (1.06%)
FABL 94.05 Increased By ▲ 0.19 (0.2%)
FCCL 59.93 Increased By ▲ 0.64 (1.08%)
FFL 14.28 Increased By ▲ 0.13 (0.92%)
GGL 19.13 Decreased By ▼ -0.35 (-1.8%)
HBL 303.47 Decreased By ▼ -0.03 (-0.01%)
HUBC 209.81 Increased By ▲ 3.45 (1.67%)
HUMNL 8.25 Increased By ▲ 0.13 (1.6%)
KEL 6.08 Decreased By ▼ -0.07 (-1.14%)
LOTCHEM 25.73 Decreased By ▼ -0.01 (-0.04%)
MLCF 105.81 Increased By ▲ 2.56 (2.48%)
OGDC 312.55 Decreased By ▼ -0.24 (-0.08%)
PAEL 34.24 Decreased By ▼ -0.59 (-1.69%)
PIBTL 13.62 Decreased By ▼ -0.10 (-0.73%)
PIOC 277.50 Increased By ▲ 7.83 (2.9%)
PPL 223.35 Increased By ▲ 0.73 (0.33%)
PRL 80.99 Decreased By ▼ -1.17 (-1.42%)
SNGP 91.38 Decreased By ▼ -0.03 (-0.03%)
SSGC 23.91 Decreased By ▼ -0.02 (-0.08%)
TELE 7.48 Increased By ▲ 0.16 (2.19%)
TPLP 12.83 Increased By ▲ 0.07 (0.55%)
TRG 52.81 Increased By ▲ 0.02 (0.04%)
UNITY 8.46 Decreased By ▼ -0.02 (-0.24%)
WTL 1.35 Decreased By ▼ -0.04 (-2.88%)
مارکٹس

امریکا ایران جنگ سے عالمی مارکیٹ کو 2.6 ارب بیرل تیل کا نقصان ہوا، آرامکو

  • اگر آج آبنائے ہرمز کھول بھی دی جائے تو ختم ہونے والے عالمی ذخائر کو دوبارہ بھرنے میں تقریباً 18 ماہ لگ سکتے ہیں، امین ناصر
شائع اپ ڈیٹ

سعودی عرب کی سرکاری آئل کمپنی آرامکو کے سربراہ امین ناصر نے خبردار کیا ہے کہ امریکا اسرائیل جنگ کے آغاز کے بعد دنیا کو اب تک 2.6 ارب بیرل سے زائد خام تیل کی سپلائی کا نقصان ہو چکا ہے، جبکہ عالمی ذخائر بھی تیزی سے کم ہو رہے ہیں۔

امین ناصر کے مطابق اگر آج آبنائے ہرمز کھول بھی دی جائے تو ختم ہونے والے عالمی ذخائر کو دوبارہ بھرنے میں تقریباً 18 ماہ لگ سکتے ہیں، بشرطیکہ روزانہ اوسطاً 2.1 ملین بیرل تیل ذخیرہ کیا جائے۔

انہوں نے کہا کہ آبنائے ہرمز میں پیدا ہونے والی غیر معمولی صورتحال نے توانائی کی عالمی منڈی کو شدید متاثر کیا ہے۔ یہ اہم بحری راستہ عالمی تیل اور گیس کی ترسیل کے لیے بنیادی حیثیت رکھتا ہے۔

دنیا کے سب سے بڑے تیل برآمد کنندہ ادارے آرامکو نے رواں سال اپریل تا جون کی سہ ماہی میں 32.69 ارب ڈالر کا خالص منافع رپورٹ کیا، جو گزشتہ سال کے اسی عرصے کے مقابلے میں 44 فیصد زیادہ ہے۔ کمپنی کے مطابق خام تیل، ریفائنڈ مصنوعات اور کیمیکل مصنوعات کی بلند قیمتوں کے ساتھ ساتھ متبادل راستوں سے ترسیل نے منافع میں اضافہ کیا۔

امین ناصر نے کہا کہ آبنائے ہرمز کے ذریعے سپلائی میں غیر معمولی رکاوٹ کے باوجود آرامکو نے اپنے متنوع اثاثوں اور کئی دہائیوں کی منصوبہ بندی کی بدولت کاروباری سرگرمیاں جاری رکھیں۔

انہوں نے خبردار کیا کہ یمن کے حوثی گروپ کی جانب سے سعودی عرب کی آئل انڈسٹری کے خلاف بحری ناکہ بندی کے اعلان کے بعد صورتحال مزید پیچیدہ ہو سکتی ہے۔ اس اقدام سے بحیرہ احمر میں جہاز رانی متاثر ہونے اور تیل کی ترسیل کے متبادل راستوں پر دباؤ بڑھنے کا خدشہ ہے۔

حوثیوں کے حملوں سے سعودی عرب کی مشرق سے مغرب تک جانے والی ایسٹ ویسٹ پائپ لائن اور بحیرہ احمر پر موجود برآمدی تنصیبات کو خطرات لاحق ہیں۔ آرامکو سربراہ نے کہا کہ حالیہ حملوں سے کچھ پیداواری سرگرمیاں متاثر ہوئیں، تاہم کمپنی فوری طور پر آپریشن بحال کرنے کی صلاحیت رکھتی ہے۔

امین ناصر کے مطابق سعودی عرب کے تیل ذخائر، برآمدی ٹرمینلز اور ایسٹ ویسٹ پائپ لائن عالمی سپلائی بحران کے اثرات کم کرنے میں اہم کردار ادا کر رہے ہیں۔

انہوں نے کہا کہ تیل کی صنعت مزید بڑے بحران کا سامنا کرنے کے لیے محدود گنجائش رکھتی ہے، کیونکہ دنیا بھر کی ریفائنریز تقریباً مکمل صلاحیت پر کام کر رہی ہیں۔ کسی بھی بڑی یا طویل بندش سے عالمی توانائی کی فراہمی پر مزید دباؤ پڑ سکتا ہے۔

آرامکو کے مطابق رواں سال دوسری سہ ماہی میں کمپنی کی مجموعی ہائیڈروکاربن پیداوار 9.5 ملین بیرل یومیہ رہی، جو گزشتہ سال کے اسی عرصے میں 12.8 ملین بیرل یومیہ تھی۔ امین ناصر نے کہا کہ آبنائے ہرمز اور باب المندب میں جاری خطرات عالمی معیشت پر طویل مدتی اثرات مرتب کر سکتے ہیں۔

Comments

200 حروف