ایران کی امریکہ کو آبنائے ہرمز میں مداخلت پر سخت وارننگ

ایران نے خبردار کیا ہے کہ آبنائے ہرمز میں امریکہ کی جانب سے کسی بھی قسم کی مداخلت کا فیصلہ کن اور فوری جواب دیا جائے گا۔

سرکاری میڈیا کی رپورٹ کے مطابق ایران نے مزید کہا کہ اس بحری گزرگاہ پر امریکی فضائی اثاثوں (طیاروں اور ڈرونز) کی مسلسل موجودگی علاقائی سلامتی کو خطرے میں ڈال رہی ہے۔ایرانی مسلح افواج کی کارروائیوں میں ہم آہنگی پیدا کرنے والے ”خاتم الانبیاء مرکزی ہیڈ کوارٹر“ کا کہنا ہے کہ تمام تیل بردار اور تجارتی جہازوں کے لیے آبنائے ہرمز سے محفوظ گزررگاہ کے لیے تہران کے متعین کردہ راستوں پر چلنا لازمی ہے۔ ہیڈ کوارٹر نے واضح کیا کہ طے شدہ راستوں سے انحراف یا جہاز رانی کے پروٹوکولز (قوانین) کی خلاف ورزی کی صورت میں فوری کارروائی کی جائے گی۔