سونے کی قیمت میں 6800 روپے فی تولہ کمی

عالمی اور مقامی مارکیٹ میں بدھ کو سونے کی قیمتوں میں کمی ریکارڈ کی گئی۔

عالمی مارکیٹ میں بھی سونے کی قیمت میں 68 ڈالر کی کمی ہوئی، جس کے بعد فی اونس قیمت 4,480 ڈالر (20 ڈالر پریمیم کے ساتھ) تک آگئی۔

عالمی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 6,800 روپے کی کمی کے ساتھ 4 لاکھ 70 ہزار 362 روپے کا ہوگیا۔

اسی طرح 10 گرام سونا 5,830 روپے کمی کے بعد 403,259 روپے میں فروخت ہوا۔

منگل کے روز فی تولہ سونے کی قیمت 477,162 روپے پر مستحکم رہی تھی۔

دوسری جانب چاندی کی قیمت میں بھی 125 روپے کی کمی ریکارڈ کی گئی، جس کے بعد فی تولہ چاندی 7,974 روپے کی ہوگئی۔