پاکستان نے امریکہ سے پروجیکٹ فریڈم روکنے کی درخواست کی، ڈونلڈ ٹرمپ

امریکی صدر ڈونلڈ ٹرمپ نے ایک بار پھر پاکستان کی قیادت کو سراہتے ہوئے ملک کو عظیم اور اس کی قیادت کو بہترین قرار دیا ہے۔

میڈیا سے گفتگو کے دوران ٹرمپ نے کہا کہ پاکستان کے وزیراعظم اور فیلڈ مارشل شاندار شخصیات ہیں۔

امریکی صدر نے یہ دعویٰ بھی کیا کہ پاکستانی قیادت کے ساتھ بات چیت کے بعد پروجیکٹ فریڈم کو روک دیا گیا ہے۔

ڈونلڈ ٹرمپ کے مطابق پاکستانی قیادت نے مذاکرات کے دوران تحمل کا مظاہرہ کرنے پر زور دیا تھا اور یہ درخواست کی تھی کہ سفارتی عمل کے دوران کارروائیاں روک دی جائیں۔

صدر ٹرمپ نے کہا کہ انہوں نے افغانستان اور پاکستان کے درمیان ممکنہ تنازع کی خبریں سنی تھیں لیکن پاکستانی قیادت اس صورتحال کو تیزی اور پرامن طریقے سے حل کرنے میں کامیاب رہی۔

صدر ڈونلڈ ٹرمپ نے اپنی تقریر کے دوران کہا کہ وہ دنیا بھر میں امن کے حامی ہیں۔ انہوں نے اس بات پر زور دیتے ہوئے کہ امریکہ تنازعات کے مقابلے میں تجارت کو ترجیح دیتا ہے، انہوں نے تجارت کے ذریعے کئی جنگوں کو رکوانے میں کردار ادا کیا ہے۔

صدر ڈونلڈ ٹرمپ نے اپنے اس موقف کو دہراتے ہوئے کہ معاشی تعاون پائیدار امن کی کلید ہے۔ انہوں نے ریمارکس دیے کہ مجھے جنگیں رکوانا پسند ہے۔