پاکستان ایران جنگ کے خاتمے کے لیے ثالثی پر مکمل توجہ مرکوز کیے ہوئے ہے، وزیراعظم

پاکستان کے وزیراعظم شہباز شریف نے بدھ کو کہا کہ اسلام آباد ہمسایہ ملک ایران اور امریکا کے درمیان ثالثی کے لیے اپنے عزم پر قائم ہے۔

اقوام متحدہ کے ہیڈکوارٹرز میں صحافیوں سے گفتگو کرتے ہوئے وزیراعظم شہباز شریف نے اسلام آباد مفاہمتی یادداشت کا حوالہ دیا، جس پر انہوں نے، امریکی صدر ڈونلڈ ٹرمپ اور ایرانی صدر مسعود پزشکیان نے دستخط کیے تھے۔

وزیراعظم نے کہا کہ اس کے بعد کے واقعات کچھ غیر متوقع ہوگئے، تاہم انہوں نے کہا کہ پاکستان نے امید نہیں چھوڑی اور صورتحال کو کشیدہ ہونے سے روکنے میں مدد کے لیے اپنی کوششیں جاری رکھے گا۔

انہوں نے کہا کہ پاکستان ایران اور امریکا کے درمیان ایک مخلص اور دیانتدار ثالث کا کردار ادا کر رہا ہے۔ اسلام آباد مفاہمتی یادداشت پر تین رہنماؤں صدر ٹرمپ، ایران کے صدر مسعود پزشکیان اور میرے دستخط ہوئے تھے۔ بدقسمتی سے اس کے بعد کے واقعات کچھ غیر متوقع ہوگئے۔ لیکن پاکستان مکمل طور پر اس معاملے پر توجہ مرکوز کیے ہوئے ہے۔ ہم نے امید نہیں چھوڑی۔ ہم اس بات کے لیے مکمل طور پر پرعزم ہیں کہ صورتحال کو کشیدہ ہونے سے روکنے کے لیے مزید کوششیں کریں گے اور پیش رفت کریں گے۔

ایک صحافی نے سوال کیا کیا ایران اور امریکا کے درمیان ایک اور ملاقات کا کوئی منصوبہ ہے؟

وزیراعظم شہباز شریف نے جواب دیا یہ ایک مسلسل عمل ہے۔ اور تمام دوست ممالک امن کے حصول کے لیے اپنا کردار ادا کر رہے ہیں۔