ڈالر کے مقابلے میں روپیہ مزید مستحکم

انٹربینک مارکیٹ میں پیر کو بھی ڈالر کے مقابلے روپے کی قدر میں بہتری کا سلسلہ جاری رہا۔

اسٹیٹ بینک کے مطابق کاروبار کے اختتام پر ڈالر کے مقابلے میں روپیہ ایک پیسے کی بہتری سے 277.70 روپے پر بند ہوا۔

یاد رہے کہ جمعہ کو مقامی کرنسی 277.71 روپے پر بند ہوئی تھی۔

علاوہ ازیں سرمایہ کاروں کی جانب سے فیڈرل ریزرو کے شرح سود کے حوالے سے اشارے پانے کے لیے اس ہفتے کے افراط زر (انفلیشن) کے اعداد و شمار کے انتظار کی وجہ سے پیر کو امریکی ڈالر اہم کرنسیوں کے مقابلے میں دو ماہ کی کم ترین سطح کے قریب منڈلاتا رہا۔

یورو بڑھ کر 1.1558 ڈالر پر جا پہنچا، جو جون کے وسط کے بعد سے اپنی سب سے مضبوط سطح کے قریب ہے، جب کہ برطانوی پاؤنڈ 1.3490 ڈالر پر مستحکم رہا، جو پانچ ہفتے کی بلند ترین سطح کے قریب ہے۔

جاپانی ین 157.90 فی ڈالر پر مستحکم رہا، اگرچہ اس نے مداخلت (انٹرینشن) کے باعث حاصل ہونے والے کچھ فوائد واپس دے دیے ہیں، لیکن اس کے باوجود یہ گزشتہ ماہ کے آخر میں لگائی گئی تقریباً 164 کی کئی دہائیوں کی کم ترین سطح سے اب بھی کافی بہتر پوزیشن میں ہے۔

ڈالر انڈیکس، جو چھ بڑی کرنسیوں کے مقابلے میں ڈالر کی قدر کا جائزہ لیتا ہے، 99.6 پر تقریبا غیر تبدیل شدہ رہا اور 2 جون کے بعد اپنی کم ترین سطح کے قریب منڈلاتا رہا۔

دریں اثنا پیر کے روز تیل کی قیمتوں میں بھی معمولی اتار چڑھاؤ دیکھا گیا۔