فیصل بینک کو سی ایس آر ایوارڈز سے نواز دیا گیا

فیصل بینک لمیٹڈ (ایف بی ایل) کو کمیونٹی کی ترقی میں نمایاں خدمات اور کارپوریٹ غیر منافع بخش شراکت داریوں کو فروغ دینے میں قائدانہ کردار کے اعتراف میں ایوارڈز سے نوازا گیا۔

یہ ایوارڈز 15 ویں سالانہ سی ایس آر ایوارڈز میں دیے گئے جو ایک ذمہ دار کارپوریٹ ادارے کے طور پر فیصل بینک کے کردار اور معاشرے کے لیے دیرپا قدر پیدا کرنے والے مشترکہ اقدامات کو فروغ دینے کے عزم کی توثیق کرتے ہیں۔ بینک کی اسٹریٹجک شراکت داریوں کے ذریعے پائیدار سماجی اثرات پیدا کرنے کی کوششوں کے نتیجے میں پاکستان میں اہم سماجی ضروریات کو پورا کرنے اور جامع ترقی کو فروغ دینے میں موثر پیش رفت ممکن ہوئی۔

فیصل بینک کے صدر و سی ای او یوسف حسین نے ایوارڈ وصول کرتے ہوئے کہا کہ یہ اعزاز اس حقیقت کی عکاسی کرتا ہے کہ کارپوریٹ شعبے اور غیرمنافع بخش اداروں کے درمیان بامقصد شراکت داریاں موثر ثابت ہوتی ہیں۔ جب ہم مشترکہ مقصد کے تحت مل کر کام کرتے ہیں تو پائیدار تبدیلی اور وسیع پیمانے پر کمیونیٹیز کی زندگیوں میں بہتری لاتے ہیں۔

انہوں نے مزید کہا کہ این جی اوز، این پی اوز اور دیگر اداروں کے ساتھ تعاون نے ہمیں رسائی بڑھانے، اپنے اثرات کو مزید گہرا کرنے اور مضبوط و جامع کمیونیٹیز کی تعمیر میں مدد فراہم کی ہے۔

اپنے مربوط سی ایس آر اور پائیدار اقدامات کے ذریعے فیصل بینک نے غیر منافع بخش شراکت داروں کے ساتھ ملکر طویل المدتی اور قابل پیمائش نتائج کے حصول کے لیے کام کیا ہے جس کے ذریعے محروم طبقات کو بااختیار بنانے اور وسیع تر سماجی و معاشی ترقی میں موثر کردار ادا کیا جا رہا ہے۔

کاپی رائٹ بزنس ریکارڈر 2026