BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

موجودہ اقتصادی ماڈل اب نتائج دینے کے قابل نہیں رہا، پاکستان بزنس فورم

  • وقتی استحکام کے بجائے طویل المدتی پیداواری اور مسابقتی اصلاحات پر توجہ دی جائے ، احمد جواد
شائع اپ ڈیٹ

پاکستان بزنس فورم کے چیف آرگنائزر احمد جواد نے کہا ہے کہ پاکستان کا موجودہ معاشی ڈھانچہ پائیدار ترقی دینے کی صلاحیت کھو چکا ہے۔ انہوں نے اسے ٹوٹا ہوا اور غیر مستحکم نظام قرار دیتے ہوئے حکومت پر زور دیا کہ وہ وقتی استحکام کے بجائے طویل المدتی پیداواری اور مسابقتی اصلاحات پر توجہ دے۔

صدر فیڈریشن چیمبرز عاطف اکرام شیخ سے ملاقات کے دوران انہوں نے عالمی بینک کی حالیہ رپورٹ پاکستان ڈویلپمنٹ اپ ڈیٹ کا حوالہ دیتے ہوئے کہا کہ ملک کی معیشت ساختی طور پر غیر مسابقتی ہو چکی ہے۔

ان کے مطابق پاکستان کی برآمدات جو 1990 کی دہائی میں جی ڈی پی کا تقریباً 16 فیصد تھیں، اب گھٹ کر 10 فیصد تک رہ گئی ہیں۔ یہ کمی سالانہ 60 ارب ڈالر کے برآمدی خسارے کی علامت ہے، جو معیشت کی ناکارکردگی کو ظاہر کرتی ہے۔

انہوں نے کہا کہ کئی دہائیوں سے پاکستان کا ترقیاتی ماڈل بقا کی بنیاد پر استوار کیا گیا ہے، نہ کہ ترقی پر، ہم نے پیداوار، ویلیو ایڈیشن اور ٹیکنالوجی میں سرمایہ کاری کے بجائے کھپت، درآمدات اور غیر رسمی معیشت پر انحصار کیا ہے، یہ ایک ایسی حکمتِ عملی ہے جو ملک کو بار بار بحران میں دھکیل رہی ہے۔

احمد جواد کے مطابق حالیہ بجٹ اقدامات نے برآمدی شعبے پر مزید دباؤ ڈال دیا ہے، ایک فیصد ٹرن اوور فائنل ٹیکس ریجیم کے خاتمے اور اس کی جگہ تقریباً 40 فیصد مؤثر ٹیکس بوجھ عائد کرنے سے برآمدی صنعتوں کی مسابقت بری طرح متاثر ہوئی ہے۔

انہوں نے کہا کہ حکومت نے برآمدات کو سہولت دینے کے بجائے سزا دینے کا راستہ اختیار کر لیا ہے۔

انہوں نے عالمی بینک کی نشاندہی کردہ چار بڑی رکاوٹوں کا حوالہ دیا جنہوں نے پاکستان کو عالمی منڈی میں غیر مسابقتی بنا دیا ہے، ان میں غیر مسابقتی توانائی لاگت، پیچیدہ ریگولیٹری نظام، پالیسیوں میں غیر یقینی صورتحال، اور ایسا ٹیکس ڈھانچہ شامل ہے جو غیر رسمی کاروبار کو فائدہ دیتا ہے جبکہ باقاعدہ صنعتوں کو نقصان پہنچاتا ہے۔

احمد جواد نے کہا کہ بین الاقوامی مالیاتی فنڈ کے استحکامی اقدامات قلیل مدتی مالی توازن تو قائم کر سکتے ہیں مگر یہ پیداواری شعبے کا گلا گھونٹ دیتے ہیں۔انہوں نے کہا،ایک طرف عالمی بینک ہمیں مسابقت بڑھانے کا کہتا ہے، دوسری طرف آئی ایم ایف کفایت شعاری پر زور دیتا ہے۔ دونوں سمتوں میں بیک وقت چلنا ممکن نہیں۔

انہوں نے ویتنام، بنگلہ دیش اور ملائشیا کی مثال دیتے ہوئےکہا کہ ان ممالک نےبرآمدات، صنعتی توسیع اور ٹیکنالوجی اپنانے کے ذریعے ترقی حاصل کی پاکستان کو بھی فیصلہ کرنا ہوگا کہ وہ سکڑتی ہوئی معیشت بننا چاہتا ہے یااصلاحات کے ذریعے ترقی یافتہ قوم بننے کا راستہ اختیار کرے گا۔

پاکستان بزنس فورم نے حکومت سے مطالبہ کیا کہ وہ معیشت کو ترقی پہلے، استحکام بعد میں کے اصول پر استوار کرے۔ انہوں نے کہا کہ کاروباری لاگت میں کمی، توانائی نرخوں میں استحکام، پالیسیوں میں تسلسل اور سرمایہ کاری کے لیے قابلِ بھروسہ ماحول ناگزیر ہے۔

کاپی رائٹ بزنس ریکارڈر 2025

Comments

Comments are closed.