ٹرے اور پاکستانی کمپنی ابھِی کی شراکت، اجرت تک فوری رسائی سروس متعارف

سعودی عرب میں کلاؤڈ پر مبنی پی او ایس اور بزنس مینجمنٹ کا معروف پلیٹ فارم ٹرے (ٹی آراے وائی) نے پاکستانی کمپنی ابھِی کے ساتھ شراکت داری کرتے ہوئے فاسٹ گروئنگ فوڈ اینڈ بیوریجز سیکٹر کے لیے کمائی گئی اجرت تک فوری رسائی (Earned Wage Access) سروسز متعارف کرانے کا اعلان کیا ہے۔

یہ اشتراک فرنٹ لائن ملازمین کو اُن کی کمائی گئی تنخواہ تک فوری رسائی فراہم کرنے کے ساتھ ساتھ سعودی عرب کے وژن 2030 کے مالی شمولیت، ورک فورس کے اختیارات میں اضافہ اور ایس ایم ایز کی ترقی کے اہداف کی بھی تکمیل کرے گا۔

ابھِی کی ارنڈ ویج ایکسس ٹیکنالوجی کو ٹریے کے انٹرپرائز پی او ایس سسٹم میں شامل کیے جانے کے بعد سعودی پورے عرب کے ریستوران، کیفے اور کلاؤڈ کچنز اپنے عملے کو تنخواہ کی فوری فراہمی کی سہولت دے سکیں گے۔ یہ قدم ملازمین کو مالی طور پر بااختیار بنائے گا، عملے کی تبدیلی کی شرح کم کرے گا اور ہاسپیٹیلٹی انڈسٹری میں ریکروٹمنٹ اور ریٹینشن کو مزید مستحکم بنائے گا۔

ٹرے کا پلیٹ فارم پہلے ہی پیمنٹس، فنانسنگ اور ڈیلیوری انٹیگریشنز کی سہولت فراہم کرتا ہے۔ اب اس میں ابھِی کی ارنڈ ویج ایکسس بطور ایمبیڈڈ فیچر شامل کی جائے گی، جس سے کاروبار کے لیے اسے اپنانا اور ملازمین کو مالی لچک فراہم کرنا پہلے سے کہیں زیادہ آسان ہو جائے گا۔

ابھِی کے سی ای او اور کو-فاؤنڈر عمیر انصاری نے کہا کہ ٹریے کے ساتھ شراکت داری کے ذریعے ابھِی سعودی عرب کے ہاسپیٹیلٹی سیکٹر کے دل میں ارنڈ ویج ایکسس لے کر جا رہا ہے۔

ان کا کہنا تھا کہ ٹریے کے پلیٹ فارم میں ہمارا سلوشن ضم کرنے سے ہم ایس ایم ایز کو ایسا ٹول فراہم کر رہے ہیں جو ورکرز کے استحکام میں مددگار ہوگا اور سلطنت میں مالی شمولیت کو آگے بڑھائے گا۔ یہ اشتراک جدید خدمات کو پھیلانے کے لیے ایک مضبوط بنیاد رکھتا ہے جو وژن 2030 کے پائیدار ترقی اور ڈیجیٹل ٹرانسفارمیشن کے اہداف سے ہم آہنگ ہے۔