توانائی کی مساوی تقسیم کو بہتر بنانا ضروری ہے، وزیر خزانہ

وفاقی وزیر خزانہ محمد اورنگزیب نے منگل کے روز کہا کہ صنعت کو چلانے کے لیے توانائی کی مساوی تقسیم کو بہتر بنانے کی اشد ضرورت ہے اس کے علاوہ 70سے80 خسارے میں چلنے والے سرکاری اداروں ( ایس او ایز) پر توجہ دینے کی ضرورت ہے، جو کل نقصانات میں تقریباً 90 فیصد حصہ ڈالتے ہیں۔

قومی اسمبلی میں اظہار خیال کرتے ہوئے اورنگزیب نے کہا کہ ملک مزید خسارے میں چلنے والے اداروں کا بوجھ برداشت نہیں کر سکتا کیونکہ اس کے نتیجے میں قومی خزانے کو بڑے پیمانے پر سالانہ نقصان ہوتا ہے۔

کرنٹ اکاؤنٹ خسارہ معجزانہ طور پر سرپلس میں تبدیل ہو گیا اور زرمبادلہ کے ذخائر 8 ارب ڈالر تک بڑھ گئے، انہوں نے برآمدات میں اضافے اور ادارہ جاتی نقصانات کو کم کرنے کے لیے مزید ٹیکس لگانے اور توانائی کے شعبے میں اصلاحات کی ضرورت پر زور دیا۔

اپنے امریکا کے حالیہ دورے کے دوران انٹرنیشنل مانیٹری فنڈ (آئی ایم ایف) اور ورلڈ بینک سمیت بین الاقوامی مالیاتی اداروں، سعودی عرب، متحدہ عرب امارات اور چین کے ہم منصبوں کے ساتھ بات چیت کا حوالہ دیتے ہوئے انہوں نے کہا کہ عالمی برادری پاکستان کی اقتصادی کامیابی میں گہری دلچسپی لے رہی ہے۔

انہوں نے کہا کہ ہمیں اپنی برآمدات کو بڑھانے اور بیرونی قرضوں سے نمٹنے کی ضرورت ہے۔ میں نے موڈیز، فِچ اور ایس اینڈ پی جیسی ریٹنگ ایجنسیوں سے بات کی اور اس بار، ہم ریٹنگ میں ٹرپل۔ سی پر ہیں، بیرونی محاذ سے نمٹنا ہمیشہ ہمارا مسئلہ رہا ہے۔

انہوں نے کہا کہ اس سال، جہاں سے ہم نے شروعات کی تھی، ہم گزشتہ سال کے مقابلے میں بہت بہتر پوزیشن میں ہیں، ہمارے پاس سرپلسز ہیں اور کرنٹ اکاؤنٹ خسارے کو سرپلس میں تبدیل کر دیا گیا ہے۔

زرمبادلہ کے ذخائر کے بارے میں انہوں نے کہا کہ یہ 3.4 ارب ڈالر تک گر چکا تھا جو 15 دن کے درآمدی بل کے برابرتھا، جو اب 8 ارب ڈالر ہے۔ انہوں نے کہا کہ 1.1 ارب ڈالر کی اگلی قسط اس ہفتے موصول ہو جائے گی اور رواں مالی سال جون تک 9-10 ارب ڈالر کے درمیان ذخائر ہونگے جو دو ماہ کے درآمدی بل کے برابر ہے۔

انہوں نے کہا کہ اسٹاک مارکیٹ، جو کہ ڈیٹا پوائنٹ ہے، ہر وقت بلند ترین سطح پر ہے۔ یہ آئی ایم ایف، ورلڈ بینک، اے ڈی بی، اے آئی بی اور اے آئی ایف سی کے نمائندوں کے ساتھ بات چیت کے بعد دوست ممالک کے جذبات کا اظہار کرتی ہے، انہوں نے مزید کہا کہ سعودی عرب اور متحدہ عرب امارات، ترکی اور چین کے ہم منصب پاکستان کی معاشی کامیابی چاہتے تھے۔

انہوں نے مزید کہا کہ ’’یہ وہی ہے جو میں آپ کو بتانے کی کوشش کر رہا ہوں کہ بیرون ملک سے ہمارے لیے بہت زیادہ سپورٹ ہے اور جو لوگ یہاں موجود ہیں وہ بھی چاہتے ہیں کہ ہم اس بحران سے باہر آئیں۔

انہوں نے کہا کہ زرعی معیشت 5 فیصد کی شرح سے ترقی کر رہی ہے کیونکہ ہمارے پاس بڑی فصل ہے، جبکہ ڈیری اور لائیو سٹاک کے کاروبار میں بھی غیر معمولی اضافہ ہوا ہے۔

وزیر خزانہ نے کہا کہ آئی ایم ایف اور بیرونی قرضوں کا زراعت اور آئی ٹی پر کوئی اثر نہیں پڑے گا کیونکہ یہ سب ہم پر منحصر ہے کہ ہم ان دونوں شعبوں کو کس طرح سہولت فراہم کرتے ہیں۔

انہوں نے دعویٰ کیا کہ ملک کا آئی ٹی سیکٹر اس سال 3.2 سے 3.3 ارب ڈالر کا سافٹ ویئر برآمد کرے گا جو کہ ایک بڑی کامیابی ہے۔

انہوں نے کہا کہ ملک کو ہر قیمت پر آئی ایم ایف سے قرض لینے سے باہر آنا ہو گا لیکن بنیادی اصلاحات کے بغیر یہ ممکن نہیں ہو گا،خاص کر 9 فیصد ٹیکس ٹو جی ڈی پی گروتھ کے ساتھ، کیونکہ ممالک کی اکثریت 13، 14 اور 15 فیصد جبکہ پڑوسی ملک بھارت 18 فیصد ٹیکس ٹو جی ڈی پی گروتھ پر ہے۔ انہوں نے مزید کہا کہ “ہم وہی پرانے سیکٹرز پر سپر ٹیکس ونڈ فال ٹیکس نہیں لگا سکتے کیونکہ یہ اب یہ طریقہ پرانا ہو چکا ہے، کیونکہ ہمارے دوست ممالک ایکویٹی سرمایہ کاری چاہتے ہیں اور یہی وجہ ہے، ہمارے پاس مشکل فیصلے کرنے کے علاوہ کوئی آپشن نہیں ہے۔

ملک میں سود کے نظام کو ختم کرنے کے بارے میں، انہوں نے کہا کہ حکومت پہلے ہی فیڈرل شریعت کورٹ کے فیصلے کو بتدریج نافذ کر رہی ہے، اور یہی وجہ ہے کہ بینکوں کی ایک بڑی تعداد روایتی نظام سے اسلامی بینکنگ کی طرف جا رہی ہے۔

وزیر خزانہ کی تقریر پر ردعمل دیتے ہوئے قومی اسمبلی میں اپوزیشن لیڈر عمر ایوب نے کہا کہ جب تک ملک میں قانون کی حکمرانی کو یقینی نہیں بنایا جائے گا براہ راست اور مقامی سرمایہ کاری ممکن نہیں۔

انہوں نے کہا کہ یہاں کوئی آئین اور قانون کی حکمرانی نہیں ہے کیونکہ سینکڑوں سیاسی کارکن گزشتہ کئی مہینوں سے جیلوں میں بند ہیں جس سے سرمایہ کاروں کے اعتماد کو ٹھیس پہنچے گی۔

انہوں نے کہا کہ ملک میں سیاسی عدم استحکام کی وجہ سے نجی شعبہ تنزلی کا شکار ہے، انہوں نے مزید کہا کہ رواں مالی سال 23 کی پہلی ششماہی میں پاکستان کے نجی شعبے کا قرضہ 86.3 فیصد کم ہو کر 57.4 ارب روپے ہو گیا ہے، جبکہ گزشتہ سال اسی مدت کے دوران یہ 419 ارب روپے تھا۔ .

کاپی رائٹ بزنس ریکارڈر،