روسی ڈرون حملہ، یوکرین کے شہر اوڈیسا میں 5 افراد زخمی

حکام نے بتایا کہ اتوار کی صبح یوکرین کے شہر اوڈیسا پر روسی حملے میں کم از کم 5 افراد زخمی ہوئے، جبکہ ایک روز قبل شہر پر ہونے والے حملوں میں 2 افراد ہلاک ہوئے تھے۔

اوڈیسا کی فوجی انتظامیہ کے سربراہ سرہی لیساک نے ٹیلی گرام پر بتایا کہ شہر کے کئی اضلاع میں رہائشی علاقوں کو نقصان پہنچا ہے۔ حکام نقصانات کی مکمل نوعیت کا جائزہ لے رہے ہیں۔

یوکرین کے مرکزی بندرگاہی مرکز اوڈیسا کو حالیہ مہینوں میں روسی میزائل اور ڈرون حملوں کا مسلسل سامنا ہے، جس کے باعث یوکرین کی برآمدات کے لیے اہم سمندری بندرگاہوں کو بند کرنا پڑا ہے۔

حکام کے مطابق ہفتے کی صبح ایک روسی ڈرون نے شہر کو نشانہ بنایا، جو ایک اپارٹمنٹ عمارت سے ٹکرایا۔ حملے میں 2 افراد ہلاک اور 26 زخمی ہوئے۔

علاقائی حکام نے اتوار کو بتایا کہ مغربی یوکرین کے کئی دیگر علاقوں کو بھی حملوں میں نشانہ بنایا گیا، جو رات بھر اور صبح تک جاری رہے۔

حکام نے فوری طور پر ان حملوں میں شہری ہلاکتوں کی اطلاع نہیں دی۔