مائیک ہسی کا انگلینڈ کے لیے ایشز کوچنگ پر غور

آسٹریلیا کے سابق ٹیسٹ کرکٹر مائیکل ایڈورڈ کِلین ہسی نے کہا ہے کہ وہ اگلے سال ہونے والی ایشز سیریز کے لیے انگلینڈ کی بیٹنگ میں مدد کرنے کی پیشکش پر غور کریں گے۔

انگلینڈ کے نئے کوچ اسٹیفن فلیمنگ نے ان سے اس حوالے سے غیر رسمی بات کی تھی۔ فلیمنگ اور ہسی پندرہ سال تک انڈین پریمیئر لیگ (آئی پی ایل) کی ٹیم چنئی سپر کنگز میں ایک ساتھ رہ چکے ہیں۔

مس کرکٹ کے نام سے مشہور ہسی نے فاکس اسپورٹس کو بتایا کہ وہ کوچنگ کے شوقین ہیں اور کھلاڑیوں کی صلاحیتیں نکھارنا پسند کرتے ہیں۔ اس سے قبل وہ 2022 میں ٹی ٹوئنٹی ورلڈ کپ جیتنے والی انگلینڈ ٹیم کی کوچنگ بھی کر چکے ہیں۔

آسٹریلیا کے خلاف انگلینڈ کی کوچنگ کرنے کے سوال پر انہوں نے اعتراف کیا کہ یہ قدرے عجیب محسوس ہوگا، لیکن پیشہ ورانہ طورپر وہ اس سے گریز نہیں کریں گے۔ تاہم انہوں نے واضح کیا کہ وہ فیملی کو وقت دینے سمیت تمام امور پر غور کرنے کے بعد ہی کوئی حتمی فیصلہ کریں گے۔