دودھ کی پیداوار اور پیکیجنگ کمپنیوں کو ای مانیٹرنگ سسٹم نصب کرنے کی ہدایت

فیڈرل بورڈ آف ریونیو (ایف بی آر) نے دودھ کی پیداوار اور پیکیجنگ سے وابستہ کمپنیوں کو 30 جون 2026 تک الیکٹرانک پروڈکشن مانیٹرنگ سسٹم نصب کرنے کی ہدایت کی ہے‌۔

ایف بی آر کے نوٹیفکیشن کے مطابق دودھ کی پیداوار اور پیکیجنگ (پیکنگ) کے کاروبار سے وابستہ تمام رجسٹرڈ افراد، چاہے وہ یہ کام ذاتی طور پر کر رہے ہوں یا بطور ٹول مینوفیکچررز، مذکورہ بالا قواعد و ضوابط کے تحت فوری طور پر الیکٹرانک پروڈکشن مانیٹرنگ سلوشن نصب کرنے کے پابند ہوں گے‌۔

پروڈکشن مانیٹرنگ سسٹم ہارڈ ویئر کے ساتھ سافٹ ویئر پر بھی مشتمل ہے۔

پروڈکشن مانیٹرنگ سسٹم کی سپلائی، انسٹالیشن اور دیکھ بھال صرف بورڈ (ایف بی آر) کے منظور شدہ وینڈرز ہی کریں گے۔

مذکورہ بالا تمام رجسٹرڈ افراد کو ہدایت کی جاتی ہے کہ وہ 30 جون 2026 تک الیکٹرانک پروڈکشن مانیٹرنگ سسٹم کی تنصیب کے لیے ضروری انتظامات مکمل کریں۔

بروقت اور مؤثر نفاذ کو یقینی بنانے کے لیے متعلقہ چیف کمشنرز ان لینڈ ریونیو مخصوص فوکل پرسنز نامزد اور نوٹیفائی کریں گے جو اس نظام کی تنصیب اور اسے فعال بنانے میں سہولت کاری کے لیے پیکیجڈ دودھ کے مینوفیکچررز اور مجاز وینڈرز کے ساتھ کوآرڈینیٹ کریں گے‌۔

کاپی رائٹ بزنس ریکارڈر 2026