BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
پاکستان

وزیر پٹرولیم کا ریفائنری اپ گریڈیشن اور توانائی کے تحفظ کے عزم کا اعادہ

  • علی پرویز ملک نے توانائی کی فراہمی، بیرونی انحصار میں کمی اور ماحول دوست یورو 5 ایندھن کے لیے ریفائنریز کی فوری جدید کاری پر زوردیا
شائع اپ ڈیٹ

وفاقی وزیر برائے پیٹرولیم علی پرویز ملک نے ریفائنری اپ گریڈیشن کو قومی ترجیح قرار دیتے ہوئے حکومت کے اس عزم کا اعادہ کیا ہے کہ پاکستان کے ریفائننگ انفرااسٹرکچر کی جدید کاری توانائی کے تحفظ، صاف ستھرے ایندھن کے فروغ اور بیرونی مداخلت یا تعطل کے خلاف ملک کی دفاعی صلاحیت کو مضبوط بنانے کے لیے ناگزیر ہے۔

سرکاری بیان کے مطابق انہوں نے یہ بات پیٹرولیم ڈویژن میں ملک کی آئل ریفائنریز کے سی ای اوز اور منیجنگ ڈائریکٹرز کے ساتھ ایک اعلیٰ سطح کے اجلاس کی صدارت کرتے ہوئے کہی۔ اجلاس کا مقصد براؤن فیلڈ اپ گریڈیشن ریفائنری پالیسی پر عملدرآمد کے عمل کا جائزہ لینا اور اسے تیز کرنا تھا۔

علی پرویز ملک نے ریفائننگ سیکٹر کی اسٹریٹجک اہمیت پر زور دیتے ہوئے کہا کہ مقامی ریفائنریز ایندھن کی بلاتعطل فراہمی اور پاکستان کے توانائی کے تحفظ کو یقینی بنانے کے لیے اہم قومی اثاثہ ہیں۔

انہوں نے کہا کہ امریکہ اور ایران کے تنازع سے پیدا ہونے والی موجودہ علاقائی صورتحال نے بیرونی سپلائی چینز پر انحصار کم کرنے اور مقامی ریفائننگ کی صلاحیتوں کو زیادہ سے زیادہ بڑھانے کی ضرورت کو مزید واضح کر دیا ہے۔

وزیر پیٹرولیم نے زور دیا کہ موجودہ ریفائنریز کی بروقت اپ گریڈیشن پیداواری صلاحیت بڑھانے، کارکردگی بہتر بنانے اور عالمی معیارات کے مطابق صاف ستھرے یورو 5 ایندھن کی فراہمی کو یقینی بنانے کے لیے ضروری ہے۔

ان کا کہنا تھا کہ ریفائنری اپ گریڈیشن سے پاکستان کی ریفائنریز یوروفائیو کے معیار کا ایندھن تیار کر سکیں گی، جس سے ماحول کی بہتری، گاڑیوں کے انجن کی بہتر کارکردگی اور زہریلی گیسوں کے اخراج میں کمی واقع ہوگی۔

وفاقی وزیر نے اس بات پر افسوس کا اظہار کیا کہ 2023 میں ریفائننگ پالیسیز کے تعارف کے باوجود اب تک ان پر عملدرآمد کی رفتار سست رہی ہے۔ انہوں نے اس بات پر زور دیا کہ ریفائنری کی جدید کاری کو آگے بڑھانے اور اس شعبے میں طویل مدتی سرمایہ کاری کو راغب کرنے کے لیے موجودہ رکاوٹوں کو دور کرنا ضروری ہے۔

دریں اثنا اجلاس میں ریفائننگ پالیسیز اور اپ گریڈیشن ایگریمنٹ ٹمپلیٹ کا تفصیلی جائزہ لیا گیا، تاکہ ان کے بروقت نفاذ کو یقینی بنایا جا سکے۔ ریفائنریز کے سربراہان نے اہم چیلنجز پر روشنی ڈالی اور ان کے حل کے لیے عملی تجاویز پیش کیں۔ انہوں نے پیٹرولیم ڈویژن کی کوششوں پر مکمل اعتماد کا اظہار کیا۔

اجلاس میں پیٹرولیم مصنوعات پر سیلز ٹیکس کی چھوٹ کو ایک اہم مسئلہ قرار دیا گیا جو اپ گریڈیشن منصوبوں کی معاشی افادیت کو متاثر کر رہا ہے۔ وفاقی وزیر نے ہدایت کی کہ ان چیلنجز کے حل کے لیے ایک جامع تجویز تیار کر کے آئندہ بجٹ سے قبل متعلقہ فورم پر پیش کی جائے، تاکہ ریفائننگ پالیسیوں پر بلا تاخیر عملدرآمد شروع ہو سکے۔

Comments

Comments are closed.