متحدہ عرب امارات کے فجیرہ میں توانائی تنصیب پر حملے میں 3 افراد زخمی، حکام

متحدہ عرب امارت کے علاقے فجیرہ میں پیر کے روز توانائی کی ایک تنصیب کو نشانہ بنانے والے حملے میں 3 افراد زخمی ہو گئے، یہ بات وہاں کے حکومتی میڈیا دفتر نے بتائی ہے۔

فجیرہ میڈیا آفس نے سوشل میڈیا پر جاری ایک بیان میں کہا کہ ” تین بھارتی شہری درمیانے درجے کے زخمی ہوئے ہیں اور انہیں ضروری علاج کے لیے اسپتال منتقل کر دیا گیا ہے۔“

دریں اثنا، متحدہ عرب امارات کی وزارتِ دفاع اور سرکاری خبر رساں ادارے نے کہا کہ ایران کی جانب سے ایک تازہ میزائل حملے میں ملک کو نشانہ بنایا گیا، جس کے بعد حکام نے متعدد انتباہات جاری کرتے ہوئے شہریوں کو محفوظ مقامات پر منتقل ہونے کی ہدایت دی۔

وزارتِ دفاع نے سوشل میڈیا پر کہا کہ ”ایران سے داغے گئے چار کروز میزائل مختلف علاقوں کی جانب آتے ہوئے شناخت کیے گئے۔ ان میں سے تین کو ملک کے فضائی حدود کے اندر کامیابی سے تباہ کر دیا گیا، جبکہ ایک سمندر میں گر گیا۔“

سرکاری خبر رساں ادارے ڈبلیو اے ایم نے بھی وزارتِ دفاع کے حوالے سے بتایا کہ اس کی افواج ایران کی جانب سے آنے والے میزائل اور ڈرون حملوں کو ناکام بنانے کے لیے کارروائی کر رہی ہیں۔