انڈے کی پروسیسنگ کمپنی کی نئی فیسیلٹی کے ساتھ توسیع میں پیش رفت

برکت فریژن ایگرو لمیٹڈ نے اپنی فیصل آباد پلانٹ کی ٹرائل رن مکمل کر کے آپریشنز بڑھانے کی جانب قدم بڑھا دیا ہے اور نئی پیداوار و بیک ورڈ انٹیگریشن اقدامات میں پیش رفت جاری ہے۔

کمپنی نے یہ معلومات منگل کو پاکستان اسٹاک ایکسچینج کو نوٹس میں فراہم کیں۔

کمپنی کے مطابق ہمیں یہ اطلاع دیتے ہوئے خوشی ہے کہ فیصل آباد میں نئے قائم کردہ پیداوار کے مرکز کا ٹرائل رن مکمل کر لیا گیا ہے۔

یہ فیسیلٹی کمپنی کے توسیعی منصوبے کا حصہ ہے اور مقامی و برآمدی مارکیٹس میں پیسچورائزڈ انڈے کی مصنوعات کی بڑھتی ہوئی طلب کو پورا کرنے کے لیے پیداوار کی صلاحیت بڑھانے کے لیے قائم کی گئی ہے۔

کمپنی نے کہا کہ ٹرائل رن کی کامیاب تکمیل کے بعد، ہم توقع کرتے ہیں کہ اگلے ماہ کے آغاز سے اس فیسیلٹی میں مکمل تجارتی پیداوار شروع ہو جائے گی، اور منصوبے کی ٹائم لائنز کمپنی کے آئی پی او کے وقت جاری شدہ پراسپیکٹس کے مطابق ہیں۔

انڈے کے پاوڈر کی پیداوار کے لیے فیسیلٹی کے قیام کے حوالے سے کمپنی نے بتایا کہ پلانٹ اور ضروری آلات کے لیے آرڈرز دے دیے گئے ہیں اور مطلوبہ لیٹرز آف کریڈٹ بھی قائم کر دیے گئے ہیں۔

کمپنی نے کہا کہ فیسی لٹی کی تعمیراتی سرگرمیاں بھی شروع ہو چکی ہیں اور منصوبہ طے شدہ شیڈول کے مطابق آگے بڑھ رہا ہے۔

مزید یہ کہ پولٹری لئیر فارمنگ کے ذریعے بیک ورڈ انٹیگریشن کی کوششوں کے حوالے سے کمپنی نے بتایا کہ زمین حاصل کر لی گئی ہے، ضروری پلانٹ اور آلات کے آرڈرز دے دیے گئے ہیں، متعلقہ لیٹرز آف کریڈٹ قائم کیے گئے ہیں اور فارمنگ انفراسٹرکچر کی تعمیر شروع ہو چکی ہے۔

کمپنی نے مزید کہا کہ یہ اقدامات سپلائی چین انٹیگریشن کو مضبوط کرنے، عملی کارکردگی بڑھانے اور پائیدار طویل مدتی ترقی کو فروغ دینے کی ہماری وسیع حکمت عملی کا حصہ ہیں۔

برکت فریژن ایگرو لمیٹڈ کو 2017 میں پاکستان میں پرائیویٹ لمیٹڈ کمپنی کے طور پر قائم کیا گیا تھا اور پہلے اسے برکت فریژن پیسچورائزڈ ایگ کمپنی کے نام سے جانا جاتا تھا۔

کمپنی نے دسمبر 2024 میں پبلک ان لسٹڈ کمپنی میں تبدیلی کی اور اس کے شیئرز مارچ 2025 میں پاکستان اسٹاک ایکسچینج میں درج کیے گئے۔ کمپنی پولٹری انڈے کی پروسیسنگ میں مصروف ہے۔