ٹی ٹوئنٹی ورلڈ کپ: فل سالٹ فٹ قرار، انگلینڈ نے افتتاحی میچ کے لیے ٹیم کا اعلان کردیا

انگلینڈ کی جانب سے ٹی ٹوئنٹی ورلڈ کپ کے پہلے میچ کیلئے ہفتے کو ٹیم کا اعلان کردیا گیا۔

جارح مزاج بلے باز فل سالٹ کو فٹ قرار دے کر ٹیم میں شامل کرلیا گیا ہے۔

وہ اتوار کو ممبئی میں گروپ سی کے میچ میں نیپال کے خلاف وکٹ کیپر جوز بٹلر کے ہمراہ بیٹنگ کا آغاز کریں گے۔

فل سالٹ کمر کی تکلیف کے باعث سری لنکا کے خلاف منگل کو ہونے والے تیسرے ٹی ٹوئنٹی میچ میں شرکت نہیں کرسکے تھے لیکن انہوں نے جمعہ کو بھرپور ٹریننگ کی اور اب وہ ٹاپ آرڈر میں اپنی جگہ سنبھالیں گے۔

ٹام بینٹن جنہوں نے پانچ روز قبل سری لنکا کے خلاف محض 33 گیندوں پر 54 رنز کی شاندار باری کھیلی تھی کو بین ڈکٹ پر ترجیح دی گئی، وہ چوتھے نمبر پر بیٹنگ کریں گے۔

لیفٹ آرم فاسٹ بولر لیوک ووڈ کو جیمی اوورٹن کے مقابلے میں موقع دیا گیا اور وہ پیس بولر جوفرا آرچر اور سیم کرن کے ساتھ سیم اٹیک میں شامل ہوں گے۔

انگلینڈ نے اپنے پاس چار اسپنرز رکھنے کا فیصلہ کیا ہے جس میں اہم اسپنرز عادل رشید اور لیام ڈاسن کو آل راؤنڈرز جیکب بیتھل اور ول جیکس کی معاونت حاصل ہوگی۔

انگلینڈ کی ٹیم: فل سالٹ، جوس بٹلر، جیکب بیتھل، ٹام بانٹون، ہیری بروک (کپتان)، سیم کرن، ول جیکس، لیام ڈاوسن، جوفرا آرچر، عدیل رشید، لوک ووڈ